→ كل الوصفات
المحشي بشوية تركات هنقولها يبقى أكلة صحية جدا..اولا متقوليش للآخر عشان تستفادي بالخضار و ميخدش حشو كتيير..الخلطة تكتري فيها الخضرة و البصل و الطماطم..يعني حلة محشي كبيرة تتعمل بكوب الا ربع رز..و تتسبك منها فيها بدول اي مواد دهنية
المقادير
- 1/2 ك بصل مبشور
- كيلو طماطم و ممكن يزين نص معصور
- ربطة خضرة كاملة (شبت.بقدونس.كزبرة)
- كوب مرقه
- معلقة صلصة
- معلقة سمن او زبد. صغيرة
- ملح و فلفل حسب الرغبه
طريقة التحضير
- نحضر الباذنجان و نسيب سمك بسيط و نختار الفلفل صغير و رفيع ياخد حشو قليل و الخلطة تكون كلها خضره و الرز كوب الا ربع فقط..بنحشي و مش بنكبس باصبعنا بنهز الفلفل أو الباذنجان و نسيب نص عقلة اصبع فاضي مساحة للسوا
- بالنسبة الخلطة حلة تيفال و نضع البصل ونستمر في التقليب لحد ما ينشف ميته و ننزل بعصير الطماطم و نتبل بالملح و الفلفل فقط و نسيبها تتسبك منها فيها بدون اي دهون..و اخر شئ ننزل بالخضرة المقطعه و تقليبه واحدة و نطفي
- الحلة ديه كلها استعملت بكوب الا ربع ارز..بحضر كوب مرقه و عليه معلقة سمن ص و معلقة صلصلة صغيرة و ملح و فلفل و بسقي به المحشي و اول ما يغلي بهدي النار...بعد تلت ساعه مفيش رز خرج و كله مظبوط بسبب المساحة اللي سيبناها..وبيهدى و بنقدمه
- هتحبوة بالطريقه ديه و هتحسوا قد ايه خفيف
- 😍😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد