→ كل الوصفات
#رمضان_كريم
المقادير
- كيلو باذنجان حجم متوسط
- كيلو كوسة حجم متوسط
- فلفل رومي حجم متوسط
- كيلو ارز مصري
- 2 كوب بقدونس مفروم
- 2 كوب شبت مفروم
- 2 كوب كزبرة مفرومه
- كيلو ونصف طماطم مضروبة ومصفاة
- 4 ملاعق صلصة
- شوربة دجاج اولحمة
- 2 بصلة مبشورة حجم كبير
- 1/4 كوب زيت عباد او ذرة
- ملح وفلفل اسود حسب الرغبة
- ملعقة صغيرة بهارات
- شطة
- 1 مرقة دجاج
- 2 ورق لورا
طريقة التحضير
- نحضر الطماطم المضروبة والمصفاة في حلة على النار شويه زيت مع ورقتين لورا واول ما الزيت يسخن ننزل بالطماطم المضروبة والمصفاة لحد ما تتسبك ثم نغسل الارز ونصفيه كويس جداً ونضيفه على الطماطم المسبكة ونضيف الصلصة مع التقليب ونضيف البصل المبشور والخضرة والبهارات وربع كوب الزيت يقلب كله على النار كويس جداً لحد ما الارز يتشرب كل الطماطم ويأخذ طعم التوابل والخضرة
- نجهز بقي الباذنجان بعد التنظيف ينقع في ماء وملح ويصفى والكوسة تنظف والفلفل ونغسلها كويس جداً ونمسك كل واحدة نرشها من الداخل بملح وفلفل اسود ونبدا بالحشو كل واحدة لحد النصف ويرص في الحلة المناسبة للكميه نجهز بقى شوربة مغليه ومعاها واحدة مرقه ونسقي بيها المحشي لحد منتصف الحلة ونكون مجهزين ٢ كوب طماطم مضروبة ومتبلة بملح وفلفل اسود ونحطها على وجه المحشي وبعدين نحطه على النار واول ما يغلي نهدى عليه ونتابعه لحد ما يستوي وبالف هنا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد