→ كل الوصفات
الاكله المحببه لمعظم الشعب المصري يارب الطريقه تعجبكم ❤️
المقادير
- 1/2 كيلو ورق عنب
- 2 كيلو كوسة
- 2 كيلو باذنجان
- 1/4 كيلو فلفل رومي
- كيلو ونص أرز
- كيلو ونصف طماطم مسبكة
- 2 حزمة كزبرة
- 2 حزمة شبت
- 1 حزمة بقدونس مفرومين
- 2 بصله كبيرة مقطعة مكعبات صغيرة
- كوب سمن وممكن اضافه دهن حيوانى لجمال الطعم
- 1/2 كوب زيت ذرة
- معلقتين ملح
- 1/2 معلقه صغيره من كلا من
- فلفل اسود
- كمون
- بهارات
- فلفل حار او ملعقة شطه
طريقة التحضير
- نغسل ورق العنب ونضعه على النار في الماء ونصف حبة ليمون للسلق حوالي ثلث ساعة وفي ورق مبيخدش وقت خلي بالك
- نقور الكوسة والباذنجان والفلفل ونغسلهم كويس ونسيبهم يتصفو
- نغسل الرز ونقطع عليه البصل والخضرة ونحط التوابل المذكورة أعلاه
- نقدح السمن والزيت والدهن ان وجد ونحط الطماطم على الرز ونحط عليهم السمن المقدوح بس خلي بالك عشان متتحرقيش
- نقلب كويس جداً ولو محتاجه ملح حطى عادي بس خلي بالك لو هتسقي بشوربة هيكون فيها ملح
- نبدأ نحشي المكونات بس منملهاش للاخر نسيب مسافه عقله صباع والحشو ده ينفع لكل انواع المحشي
- نرص في الحلة ونزود شوربة لحد ثلاث ارباع الحلة ونسيبه يستوى على نار متوسطة
- ورق العنب عشان تطلعيه ملفوف وميفكش هقولك افرديه شوية من الورق جمب بعض على ترابيزة صغيرة عندك او رخامه ايا كان ووزعى عليهم الرز ولفي كأنك بتبرميه ورصي في الحله هيبقي زي الفل وزوديه شوربه لحد ما تغطيه وسبيه يستوى
- بعد ما يستوى رصيه وقدميه مع فراخ محمرة وملوخية خضراء وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد