→ كل الوصفات
المحشي ده انا مبحطش عليه ولا توابل ولا ثوم ولا نعناع بس مجرد ملح وفلفل وكزبره ناشفه وكمون بس والله بشهادت كل الى داقو عجبو جداً واخد مني الطريقه
المقادير
- عصير طماطم
- 2 بصله كبيره
- ربطه كزبرة ربطه بقدونس ربطه شبت
- 0.5 معلقه صغيره كمون
- معلقه صغيره كزبرة ناشفه
- ملح وفلفل
- معلقه كبيره سكر بتديله طعم تحفه
- زيت
- محشي مشكل
- رز مصري
- شوربه
طريقة التحضير
- نحط الزيت في حله النار وعليه البصل المبشور ونسيبه يذبل شويه ونحط عصير الطماطم ولما تتسبك اشيل منها مقدار كبشه (عشان نحطها على وجه المحشي بعد ما نلفه بتديله طعم روعه)
- بعد كده نحط الخضره المتقطعه والملح والفلفل والكزبره والكمون ونسيبهم لحد ما يتسبكو
- نغسل الرز بدون ان ننقع غسيل بس ونحطه على الصلصة ونبدا نحشي لو هنعمل محشي باذنجان (نشوح الباذنجان في حبه زيت لحد ما يطري مجرد تشويحه بس) هتخليه طري وزي الزبده
- يستحسن نرص المحشي صف بالطول وصف بالعرض ومنلزقهوش في بعض اوي عشان لما نحط الشوربه الشوربه تنزل لحت وكل المحشي يستوي لانك لو لزقتيهم اوي الشوبه هتفضل فوق واللي تحت مش هيستوي
- لما نخلص الرص هنحط كبشه الصلصة الى شلتها في الاول فوقه (لو محشي ورق عنب هنحط على الصلصة عصير ليمونه) لو اي نوع تاني هنحط الصلصة فوق بس ولو محشي كوسه هنرش فوقها رشه سكر هتخلي الكوسه مسكره وتحفه
- لما نسوي هنحط فوقها شوربه مغليه وتكون الشوربه نفس مستوي المحشي ولو باذنجان او كوسه هنحط الشوربه في مستوي نص صوباع الباذنجان او الكوسه ونسيبها تغلي ولما تغلي نخفف عليها لحد ما تستوي وبالهناوالشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد