→ كل الوصفات

المحشي

طريقة عمل المحشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 20 ورقة الكرنب (الملفوف)
  • 2 ونص كوب رز
  • ربطة شبت
  • ربطة كزبره
  • ربطة بقدونس
  • قليل نعناع اخضر مفروم
  • 2 بصل
  • 1/2 كيلو طماطم
  • 3 فصوص ثوم
  • قليل زيت
  • قليل صلصه
  • 3 كوب شوربه
  • ملح حسب الرغبه
  • فلفل
  • كمون
  • شطه حسب الرغبه
  • رشة سكر
  • كزبره ناشفه
  • رشة قرفة
  • 7 بهارات
  1. اول حاجه بنقطع ورق الكرنب (الملفوف) ونشيل العنوق التخينه بتاعته ونسلقه في مياه فيها كمون ولما يبرد شويه نقطعه
  2. نضرب الطماطم في الخلاط وفي حله على النار فيها ملعقة زيت على ملعقة سمنه وننزل بالطماطم وعليها معلقتين صلصة ورشة السكر ونسيبها تتسبك
  3. نفرم البصل والثوم وبعدها نحطه في البوله اللي هنعمل فيها الخلطه ونحط عليه البهارات كلها الملح والفلفل والكزبره الناشفه والكمون والشطه والقرفه والنعناع وندعكهم في بعض كويس جداً
  4. نكون غاسلين الرز وسايبينه لحد ما صفى المياه نحط الرز على البصل
  5. نغسل الخضره (الشبت والبقدونس والكزبره الخضرا) ونقطعهم صغير خالص على الرز
  6. هتكون الصلصة اتسبكت ناخدها نحطها فوق باقي المكونات ونقلب كويس جداا بحيث توصل الصلصة لكل الرز
  7. نجيب الحله اللي هنعمل فيها المحشى ونحط في الارضيه عيدان الخضره وشرايح طماطم وبصل وفلفل وعليها كام ورقه كرنب (ملفوف) ونبدأ نلف المحشى
  8. لما نخلص نجيب شوربه ساخنه ونضيفها للمحشى شويه بشويه ونهز الحله علشان الشوربه توصل لتحت لحد ما الشوربه تبقى يذوب مغطيه المحشى ونغطي ونسيبه يغلى ويتشرب وبعدها نخفف عليه لحد ما يستوي
عجبتك الوصفة؟
شوف كل وصفاتنا في مكان واحد
كل الوصفات →