→ كل الوصفات

المدلعة (طبقات الكنافة والبسبوسة وكريمة وصوص كراميل)

#المدلعة #مطبخ_بطوطة

  • 💥 مقادير طبقة الكنافة
  • 1/2 كيلو كنافة مجمدة فى الفريزر
  • كوب زبدة طرية
  • كوب سيرب متوسط بارد
  • 🍁 مقادير البسبوسة
  • 1/2 كيلو سميد بسبوسة
  • 3 ملاعق كبار جوز هند
  • 1/2 كوب سمنة
  • ملعقة كبيرة بيكنج بودر
  • كوب الا ربع حليب
  • ملعقتين كبار عسل جلوكوز
  • كوب الا ربع سكر
  • ڤانيليا
  • وسيرب خفيف عبارة عن
  • كوبين مية
  • كوبين سكر
  • ملعقة كبيرة عسل جلوكوز
  • عصرة ليمون
  • 💥 مقدار من الكريم شانتيه
  • وصوص الكراميل للحشو والتزيين
  1. نجمد الكنافة فى الفريزر لسهولة تكسيرها وتفتتها
  2. بعد ما نكسرها نخلطها كويس بالزبدة حتى تتشربها تماماً
  3. ثم نحمرها فى إناء على نار متوسطة مع التقليب المستمر
  4. ثم نسقيها بالسيرب ونقلبها كويس حتى تتشرب السيرب ونتركها تبرد
  5. البسبوسة نعملها بالطريقة اللى تحبيها أو بالمقادير بتاعتى بنخلط الحليب والسكر والسمن وعسل الجلوكوز ونضعهم على النار أول ما يسخن وتسيح السمنة نخلطها على باقى المقادير الجافة ونقلبها ونسويها ثم نسقيها بالسيرب الخفيف الساخن ثم نتركها تبرد تماما
  6. فى صينية عادية أو صينية من اللى بتتفتح من الجنب نضع أول طبقة الكنافة طبقة ارتفاعها مثل عقلة الأصبع
  7. ثم نضيف طبق من الكريمة
  8. ثم طبقة من البسبوسة بنفس ارتفاع طبقة الكنافة
  9. ثم نضيف طبقة كريمة وعليها صوص الكراميل ونعمل خطوط من الشيكولاتة البيضاء على الوجه للتزيين
  10. ثم ندخلها التلاجة قبل التقديم بثلاث ساعات أو قبلها بليلة
  11. ثم تقدم بألف هنا 😘
  12. إيه رأيكم يا رب تكون نالت إعجابكم إن شاء الله 😘😘😘😘
عجبتك الوصفة؟
شوف كل وصفاتنا في مكان واحد
كل الوصفات →