→ كل الوصفات

#المريول_السوبر افخاد دجاج بالزبده

انا بحب جداً اعمل الفراخ في الفرن ودايماً مش بعتمد علي زيوت او ماده دهنيه لكن المره دي حبيت اجربها بالزبده والطعم روعه بس تقدم ساخنه عشان طعم الزبده وهي لسه سخنه

  • كيلو افخاد دجاج
  • 3 معلقه كبيره زبده
  • واحده فلفل اخضر
  • واحده فلفل اصفر
  • واحده فلفل احمر
  • 2 بصله متوسطه
  • 3 فص ثوم
  • 1/2 معلقه كبيره ملح
  • 1/2 معلقه كبيره فلفل اسود
  • معلقه كبيره كزبره او حسب الرغبه
  1. ننقع الدجاج في ميه وملح وخل ابيض لمده خمس دقايق وبعدين نغسله كويس بالميه
  2. نغسل الفلفل والبصل ونقطع الفلفل مكعبات والبصل دوائر ونقطع الثوم قطع صغيره
  3. في صينيه بيركس متوسطه نضيف الزبده والملح والفلفل والكزبره ونقلبهم كويس مع بعض وبعدين نضيف الفلفل والبصل والثوم ونقلب مره تانيه
  4. ونرص الدجاج عليهم ونغطي بورق الفويل وندخل الصينيه الفرن وتكون شغاله من تحت فقط بعد ما يستوي الدجاج نرفع ورقه الفويل ونشغل الفرن من فوق عشان تاخد اللون الدهبي الحلو زي اللي في الصوره
  5. وبالهنا والعافيه عليكم لذيذه بجد بجانب الرز والسلطه
عجبتك الوصفة؟
شوف كل وصفاتنا في مكان واحد
كل الوصفات →