→ كل الوصفات
عندى لحمه مسلوقه حبيت استفيد بيها وتتاكل في نفس الوقت والحاجه السريعه واللي الاطفال بتموت فيها هي البيتزاء وطلعت اجمل بيتزاء باللحمه
المقادير
- 1/4 كيلو لحمه مسلوقه
- حبه بصل كبيره مقطعه
- 3 حبه طماطم متوسطه مقطعه صغيره
- 1/4 كوب زيت
- 1/2 كوب زيتون اخضر مقطع
- كيس جبنه موزاريلا ميكس صغير
- 2 حبه فلفل اخضر مقطعه
- معلقه ونصف صلصه طماطم
- معلقه ونصف كاتشب
- معلقه صغير مايونيز
- رشه كمون
- 1/4 معلقه صغيره ملح
- عجينه البيتزا
- كوب ونصف دقيق ابيض
- 1/4 معلقه صغيره ملح
- معلقه كبيره سكر ناعم
- معلقه كبيره حليب بودره
- معلقه صغيره خميره فوريه
- 1/4 معلقه صغيره بيكنج بودر
- 2 معلقه كبيره زيت زيتون
- كوب ميه دافيه
طريقة التحضير
- نخلط المقادير الجافه لعجينه البيتزا في بوله وبعدين نضيف الميه بالتدريج ونعجن لاحد ما تبقا العجينه ناعمه نلمها بقا بمعلقتين زيت الزيتون ونغطيها ونخليها تخمر
- في طاسه علي النار نصيف الزيت ونحمر البصله
- ونقطع اللحمه الي شرايح ونضيفها علي البصله ونقلبهم مع بعض لمده خمس دقايق بعدين نضيف الطماطم والملح ونهدي النار ونخليها علي النار لمده خمس دقايق كمان
- نفرد عجينه البيتزا في صبنيه مدوره مدهونه زيت زيتون وبعدين نخلط الصلصه والكاتشب والمايونيز والكمون من بعض ونضيف ليهم رشه ملح ونفرد علي عجينه البيتزا
- وبعدين نضيف اللحم وعليه الفلفل الاخضر والجبنه والزيتون وندخل البيتزا الفرن تستوي من تحت وبعدين نشغل النار من فوق
- وبالهنا والعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد