→ كل الوصفات

#المريول_السوبر جاتوه

للمره الثانيه اعمل الجاتوه بكيك العلالي افخم نوع كيك جاهز بعمله في البيت والطعم روعه

  • كيكه الشوكولاته
  • 3 بيضات
  • 1/3 كوب زيت ذره او نوع نضيف
  • كوب ميه بارده
  • الكيك الاصفر
  • 3 بيضات
  • 1/3 كوب زيت
  • كوب ميه بارده
  • للكريمه
  • 1/2 كيلو كريمه خآم
  • 2 معلقه كبيره سكر بودره ناعِم
  • 1/2 كوب سوداني مطحون
  • 1/4 كوب جوز هند
  • 2 كوب حليب سائل بارد
  • 1/2 كوب حليب بارد لتسقيه الكيك
  • صوص الشوكولاته الجاهز
  1. اول حاجه نحضر الكريمه نضرب الكريمه مع الحليب والسكر البودره بالمضرب الكهربائي لمده ١٠ دقايق لحد ما يتضاعف حجم الكريمه وندخلها الثلاجه
  2. في بوله نضيف خليط كيك الشوكولاته وعليه البيض والزيت والميه ونضرب لحد ما تبقا كريميه وناعمه الخليط
  3. ندهن صينيه مدوره مقاس ٢٤ بالزيت ونرش عليها دقيق ونضيف الخليط وندخل الصينيه فرن ساخن من قبل علي درجه حراره ١٨٠ النار من تحت بس
  4. بنفس الطريقه في الكيك الاصفر ولزم الصينيه تكون نفس المقاس ونخبز علي نفس درجه الحراره
  5. نطلع الكيكه من الفرن وندخله الثلاجه الي ان يبرد تماماً بعد كده نطلع الكيكه من الصينيه ونقسم كل كيكه من الوسط بالتساوي علي صينيه كبيره علي اول طبقه كيكه نضيف شويه من الحليب وبعدين الكريمه وبعد رشه من السوداني وجوز الهند
  6. وبعدين طبقه من الكيك الاصفر وشويه حليب وكريمه وجوز هند وسوداني وبنفس الطريقه لحد ما نخلص كل الكيك
  7. ندهن باقي الكريمه علي الكيكه كامله ونضيف علي الوجه صوص الشوكولاته وندخلها الثلاجه لوقت التقديم وبالعافيه
عجبتك الوصفة؟
شوف كل وصفاتنا في مكان واحد
كل الوصفات →