→ كل الوصفات
كل مره بتبقا حشوه السمبوسه فراخ او جبنه حبيت جرب المره دي الخضار وكمان دخلتها الفرن وطلعت خفيفه جداً احسن من القلي في الزيت
المقادير
- 1/2 لفه سمبوسة
- حبه بطاطس مسلوقة
- 1/4 كيلو بسلة مسلوقة
- حبه جزر مبشور
- فلفلة خضرة مقطعة صغير
- 1/4 ملعقة صغيرة كركم (اختياري)
- 1/4 ملعقة صغيرة ملح
- 1/2 ملعقة صغيرة كمون
- عود واحد بصلة خضراء مقطعة
- 3 ملعقة كبيرة زيت زيتون
- ملعقتين كبيرة نشا او دقيق
- ونصف كوب مية
- عشان تلصق بيها السمبوسة
طريقة التحضير
- في بولة صغيرة نهرس البطاطس وعليها رشة ملح ورشة كمون
- بعد كده نخلط باقي الخضار مع بعض ونضيف الملح والكمون والكركم
- بعدين نضيف البطاطس وزيت الزيتون ونخلط مع بعض
- في بولة نضيف المية والنشا او الدقيق ونخلطهم كويس مع بعض
- نحضر السمبوسة ونحشيها ونلصق كل واحد بالنشا والمية
- نرص السمبوسة في صينية بيركس مدهونة علي خفيف زيت زيتون وعلي الوجه برضو بالفرشة دهنة خفيفة زيت زيتون وندخلها فرن ساخن تحت وفوق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد