→ كل الوصفات
المره دي عملته بطريقه تانيه وهى ان بعد كل طبقه نضيف شويه بصل مقرمش وشويه من الصلصه الخفيفه للكشري وعجبهم جداً عندى وحنعمله بطريقه دي دايما
المقادير
- كيس مكرونه صغيره
- 1/2 كيس مكرونه اسباجتي
- كوب ونصف رز مغسول
- كوب حمص مسلوق
- 1/2 كوب عدس اسمر مسلوق
- 3 حبه طماطم كبيره مفرومه
- 4 فص ثوم مفروم
- بصله صغيره مقطعه
- 1/4 كوب زيت نباتي
- معلقه كبيره خل ابيض
- رشه ملح
- 1/2 معلقه صغيره كمون
- رشه زعتر
- 3 فص ثوم مفروم
- معلقه ونصف كبيره خل
- رشه شطه حاره
- 1/2 ليمونه
- 1/4 كوب ميه
- 4 حبه بصل كبيره مقطعه شرائح
- 1/2 كوب زيت
- 1/2 معلقه كبيره نشا
طريقة التحضير
- في حله علي النار نضيف ربع كوب الزيت ونحمر البصله تاخد لون دهبي خفيف وبعدين نضيف الثوم اول ما يحمر نضيف الطماطم ونهدي النار ونسيبها تتسبك بعد ما تتسبك نضيف الكاتشب والكمون والخل والملح والزعتر اذا ثقيله شويه نضيف ربع كوب ميه
- في طاسه علي النار نضيف معلقتين كبيره زيت ونحمر الرز وبعدين نضيف كوب ونصف ميه دافيه ورشه ملح ونخليه يستوي
- نسلق المكرونه مع بعض نضيف ٤ اكواب الميه في حله ورشه ملح واول ما تغلي الميه نضيف المكرونه ننزلها من علي النار ناقصه شويه يعني مش تستوى كلها ونغطي عليها الحله تكمل سواها
- نحمر البصل في نصف كوب الزيت ونفضل نقلب فيه اول ما يبداء يحمر قوي نضيف نصف معلقه النشا ونقلبه وبعدين نحط في طبق من غير ورقه المطبخ وندخله الثلاجه عشان يفضل مقرمش
- نحضر الدقه
- نخلط كل مقادير الدقه مع بعض وندخلها الثلاجه لزم تكون بارده عشان الشطه الحاره
- بعد ما جهزنا كل حاجه نبدا في تجهيز الطبق
- الاول نضيف شويه رز وشويه مكرونه وعليهم معلقه كبيره من الصلصه وشويه من البصل المحمر وبعدين نضيف شويه حمص وشويه عدس وبرضو معلقه صلصه وشويه بصل وبالطريقه دى لاحد ما نخلص كل المكونات وعلي الوجه نضيف شويه صلصه ومعلقه كبيره دقه وعليه البصل المحمر
- وهنا وعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد