→ كل الوصفات

#المريول_السوبر كفتة بالبطاطس المسلوقة

طريقه جديده وهو دمج البطاطس المسلوقه مع الكفته بالصلصه وكله في صينيه واحده مع بعض والطعم روعه وخفيفه ويعتبر طبق رئيسي جمب الرز والسلطه

  • 1/2 كيلو لحمة مفرومة مع بصلة صغيرة مبشورة
  • بصلة متوسطة مقطعة صغير
  • 2 حبه طماطم صغيرة مقطعة صغيرة
  • 1/2 ملعقة صغيرة فلفل اسود
  • 1/4 ملعقة صغيرة ملح
  • 1/2 ملعقة كزبرة
  • 1/2 كوب مياه صغير
  • 1/4 كوب زيت
  • ٣ حبة بطاطس متوسطة مسلوقة
  • 1/4 كوب زبدة
  • 1/2 كوب جبنة موزاريلا
  • 2 معلقه جبنة كريمي
  • رشه ملح
  • رشه فلفل اسود
  • كيس جبنة موزاريلا ميكس صغير
  1. نشكل اللحمة المفرومة علي شكل كور متوسطة ونخلط معه البصلة المبشورة وملعقة دقيق عشان ما تفك اللحمة ونخليه في الثلاجة لمدة عشر دقائق
  2. في طاسة علي النار نضيف الزيت وننزل بي كور الكفتة ونشوحهم علي الجنبين وبعدين نضيف البصلة ونقلب لاحد ما تدبل البصلة وبعدين نضيف الطماطم ونضيف نصف كوب المياه ونقلبهم مع بعض لاحد ما تتشرب الكفتة الطماطم ونضيف الملح والفلفل والكزبرة
  3. نهرس البطاطس وهي ساخنة ونضيف ليها الزبدة ورشة الملح والفلفل ونخلط وبعدين الجبنة الموزاريلا والجبنة الكريمي ونخلط كويس لاحد ما تبقا البطاطس ناعمة
  4. ندهن صينية بيركس متوسطة بدهنة زيت خفيفة ونفرد البطاطس وعليها الكفتة بالصلصة وعلي الوجه الجبنة الموزاريلا وندخل الصينية الفرن علي نار هادئة من تحت بس اول ما تحمر الأطراف نشغل النار من فوق
  5. وبالعافيه
عجبتك الوصفة؟
شوف كل وصفاتنا في مكان واحد
كل الوصفات →