→ كل الوصفات
طريقة عمل المسقعه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو باذنجان رومي
- كيلو طماطم
- كوبايه خل صغيرة
- فلفل اخضر حسب الرغبه
- فصوص ثوم
- زيت
- ملح وفلفل اسود حسب الرغبة
- كيمون
- بهارات
طريقة التحضير
- نقطع الباذنجان ونرش عليه شوية ملح (ماما بتعمل كده بتقولي علشان ينزل مايته و ميشربش زيت بس بردو بيشرب 😂) و نجيب طاسه فيها زيت و نقلي الباذنجان
- حله و نقطع الثوم الكميه حسب الرغبه انا بحب الثوم و بحبه كتير فيها و نحط شوية زيت و نشوحهم ولما الثوم يحمر هننزل بكوبايه الخل (طشه كده جميله بحب ريحتها اوي) و نسيبها تغلي شوية ونعصر شفشق طماطم (عصير طماطم) و نحطها على الثوم و الخل بعد كده الملح و الفلفل الاسود والكمون ونسيبها تتسبك
- لما تتسبك الصلصه هننزل بالباذنجان و الفلفل و نسيبهم ياخدو غلوه بس كده... بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد