→ كل الوصفات
#الشيف_الذهبي يمييي وبسر
المقادير
- كيس ونص معكرونة قلم
- لتر لبن مغلي بلدي يكون طازجة
- علبة زبادي
- ملعقة كبيرة جبن رومي مبشورة او مقطعة
- ملح وفلفل اسود حسب الرغبة
- بهارات حسب الرغبة
- جوزة الطيب
- مكعب مرقة دجاج
- 2 معلقة نشا صغيرة
- ½ كيلو لحمة مفرومة
- 2 مثلث جبن نستو ان امكن او شيدر
- بصلة مقطعة للعصاج
- 4 معالق دقيق كبيرة
طريقة التحضير
- نسلق المعكرونة في ماء وملح ونحضرها على جمب
- نعصج اللحمة بالبصل وزى كل مرة بقول نحط التوابل تتحمص مع البصلة بتفرق جداً ونضيف اللحم وظبطى الملح وياسلام من قرن فلفل حامي واختارى عطار كبير مضمون تجيبي منه التوابل لان بهارات هي للى بتفرق وتخلى طعم اكلك يجنن مع اسم الله طبعاً والبسلمه على الاكل
- احلى خطوة واهم خطوة البشاميل 😋😋😋😋
- في الخلاط نحط كباية ماء ومعاه ٣كوب لبن مع ٤معالق الدقيق والملح ونضربها كويس وفي حله فيها سمن وننزل بالخليط وعلى نار وسط تقلبي لحد مايتقل
- اهم خطوة دى.علبة زبادي هنفكها بشوية لبن سخن وعليها النشا ومعلقة الجبن اارومى المبشور ونضيفها على البشاميل اما يتقل وشمي احلى ريحه
- كملى باقي التوابل والجبن واللون هيكون ابيض جميل كريمي
- نحط شوية بشاميل على معكرونة ونقلبها
- نرص الصينيه تكون مدهونة بالسمن نحط نص المعكرونة وفي النص اللحمة وباقي المعكرونة وعلى الوجه باقي البشاميل
- وتدخل فرن سخن جداً لحد ما الوجه ياخذ لون ذهبي وفي ناس بتحب تحط بيضه بلبن وملح وفلفل على وجه البشاميل وزى ماتحبو غى ناس بتحب البيض وناس لاء
- هنا اما خرجت من الفرن
- مع التقطيع وشوفو بشاميل كريمي ازاى وتنفع للنجرسكو بتبقا فظيعه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد