→ كل الوصفات
طريقة عمل المقلوبه بالدجاج والباذنجان الخطوات بالصور سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخه او حسب عدد الافراد
- 4 مج رز مصري او حسب العدد
- 4 او 5 حبات باذنجان
- مكسرات حسب الرغبه انا استعملت هنا فول سوداني المتوفر عندي
- بصله كبيره
- معلقه ملح كبيره
- معلقه توم مفروم صغيره
- 1 طماطم
- 1 فلفل اخضر
- البهارات:-
- 0.25 معلقه كبيره فلفل اسمر
- 2 ليمون مجفف
- 2 عصيان قرفه
- 3 ورق لوري
- 4 حب هان
- 4 قرنفل (مسمار)
- 1 معلقه صغيره جوزة الطيب مبشورة لو مش موجوده مش مشكله
- معلقه صغيره مليانه بهارات كيري
- معلقه صغيره بهارات كابسه
طريقة التحضير
- اول حاجه هتقطعي الباذنجان حلقان و رشي عليها ملح عشان ميشربش زيت في التحمير ونسيبه ينزل ميته ١٠ دقائق كده
- هجيب الفراخ في حله و نضع عليها البصله مقطعه اربعه
- بعدين ربع معلقه كبيره الفلفل الاسمر
- بعدين معلقه كبيره الملح
- بعدين اللمون المجفف و القرفه و اللوري و القرنفل والحب هان ورشه جوزة الطيب
- وبعدين معلقه صغيره مليانه من الكيري
- بعدين معلقه صغيره بهارات الكبسه
- بعدين معلقه صغيره من التوم المفروم
- ونقلبهم كلهم مع بعض و نسبهم يتشوحو كلهم مع بعض على النار
- بعدين بقي ننزل بميه مغليه ونحاول منكترش الميه عشان متبقاش كتير على الرز
- احط مكعب ماجي في الشوربه
- و حطيت فلفل والطماطم و نسبهم بقي تستوي نص سوا لمده تلت ساعه عشان هتكمل سواها مع الرز
- نجيب بقي الباذنجان و نحمره ونشيله على جمب
- و نقشر السوداني
- ونحمره بس خدي بالك لانه بيتحرق يعني يا دوب دقيقه واحده او اقل كمان من دقيقه بس على النار و شيليه بسرعه لانه بيتحرق لو سبتيه.. المهم بتحمريه و تشيليه على جمب
- الرز بقي اغسليه و سيبيه على جمب
- نجيب بقي حله كبيره هننشل الفراخ من الشوربه و نحطها الاول بس على عظمها
- بعدين فوقها الباذنجان
- في ناس بتحب تحمر بطاطس و تحطها فوق الباذنجان بس عن نفسي بحبها بدون بطاطس لو انت تحبي البطاطس حمريها و حطيها في الخطوة دي فوق الباذنجان
- و بعدين احط الرز
- وانزل بقي عليها بالشوربه بحيث تكون الشوربه مغطيه الرز بعقله صابع لو لقيتي الشوربه مش مكفيه تقدري نزودي ميه
- واول ما الارز يشرب الميه بهدي النار خااالص و اغطي الحله و اسيبها بقي تستوي على نار هاديه بس اوعي تفتحي الغطا عشان تستوي كويس بالبخار ولمده نص ساعه
- وبعدين اقلبيها بقي على صينيه او طبق كبير وارش عليها السوداني اللي حمرته
- والف هنا وشفا ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد