→ كل الوصفات

المكرونة التركيه - طريقة ٢

الوصفة دي عملتهالكم بطريقة الحلة الواحده هتلاقوها ف الوصفات عندي بإسم ( مكرونة تركية بطريقة الحلة الواحدة) المرة دي بطريقه تانيه وبردو وصفة سهلة وسريعه وبالذات للستات اللي مشغوله مع اولادهم بسبب الامتحانات و ف نفس الوقت بمكونات موجودة في أي بيت وهتعجبكم بإذن الله⁦❤️⁩ #جود_بالموجود #الحقوني

  • 1/2 ك مكرونة جافه اي نوع تحبيه انا استخدمت المرمرية
  • 2 طماطم كبيره مبشورة
  • م ك صلصة
  • قطع صغيره بصلة كبيرة مقطعة
  • قطع صغيره فلفل ألوان (أخضر وأحمر وأصفر) مقطع
  • قطع صغيره مشروم مقطع
  • 2 فص توم مهروس
  • ملح وفلفل اسود حسب الرغبه
  • 1/2 م ك زبدة او سمنة
  • م ك زيت
  • 1/2 م ص زعتر
  • رشه كمون
  • رشه ريحان مجفف (اختياري)
  • 1/4 م ص بابريكا
  • رشه نعناع مجفف
  1. ف حله ع نار هنحط سمنه او زبده مع زيت وممكن تحطي زيت بس براحتك
  2. وبعدين هننزل بالبصل والفلفل الالوان والتوم و المشروم ونقلب ونحط عليها صلصه وشوية صغيرين خالص ميه وهتقلبي
  3. وبعدين هننزل بالطماطم المبشورة وهتقلبيها وتسبيها تتسبك
  4. هنحط المكرونه والتوابل كلها ونخلطهم ببعض ونحط ماء تغطي المكرونه بس ماتحطيش كتير بزياده علشان ماتعجنش وتسبيها تتشرب وهتلاقيها استوت او وطي عليها لحد ماتستوي وبألف هنا⁦♥️⁩
  5. وأكلتهامع شيش طاووق بالطريقه التركيه هتلاقوا طريقه عندي بالوصفات
عجبتك الوصفة؟
شوف كل وصفاتنا في مكان واحد
كل الوصفات →