→ كل الوصفات
#المرور_الرابع
المقادير
- ½ كيلو مكرونة قلم
- ملح للسلق
- ½ كيلو صدور فراخ
- بصلة كبيرة
- 2 حبة فلفل رومى
- معلقة كبيرة صلصة طماطم معلبة
- 2 معلقة كبيرة زيت
- ملح حسب الكمية
- ½ ملعقة صغيرة فلفل أسود
- ½ ملعقة صغيرة توم بودر
- ½ معلقة صغيرة بصل بودر
- ½ ملعقة صغيرة بهارات فراخ
- كيلو حليب
- 3 معالق كبيرة دقيق
- 2 معلقة كبيرة سمنة
- معلقة كبيرة قشطة حسب الرغبة
- ½معلقة صغيرة ملح
- ½ معلقة صغيرة فلفل أسود
طريقة التحضير
- نحط ماية فى حلة على النار واول ماتغلى نحط الملح وننزل بالمكرونة بدون زيت ونسلقها ٤/٣سلق
- فى طاسة نخرط البصلة صغير ونشوحها فى ملعقتين كبيرة من الزيت وأول ماتتبدل ننزل بقطع الفراخ وتكون مقطعة شرايح صغيرة اومكعبات صغيرة ونشوحها مع البصلة لحد مالونها يغير نحط الفلفل ويكون مقطع قطع صغيرة ونقلبهم مع بعض وبعدين نضع عليهم الملح والبهارات مع التقليب وبعدين معلقة الصلصة ونسبها لحد ماتستوى ولو عندك زيتون مخلى ممكن تحطى شوية فى الاخر خالص هيدى طعم حلو جدااا بس أهم حاجة لو هاضيفى الزيتون قلبى واطفى النار على طول ماينفعش تسيبيه مدةطويلة على النار
- فى حلة على النار حطى السمنة واول ماتسخن حطى الدقيق و قلبى لحد ماريحته تطلع ضيفى اللبن مع التقليب المستمر وممكن إضافة معلقة قشطة وكمان الملح والفلفل الأسود لحد قوامه مايبقى متوسط
- ضيفى شوية من الباشاميل على كمية المكرونة وقلبيهم وكمان ضيفى عليهم خلطة الفراخ وقلبيهم برده
- هاتى بيركس وحطى فى القاع شوية باشاميل علشان المكرونة متلزقش وتبقى طرية وبعدين ضيفى المكرونة بالفراخ وساويها كويس وحطى على الوش باقى كمية الباشاميل ومن فوق الوش جبنة موتزريلا ودخلى الصينية الفرن ولازم يكون سخن على درجة حرارة عالية واول ما الجبنة تسيح و تاخد لون دهبى خرجيها وقدميها وهى سخنة وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد