→ كل الوصفات

المكرونة بالبشاميل

طريقة عمل المكرونة بالبشاميل في البيت بخطوات سهلة. المقادير: 1/2 كيلو مكرونة قلم، كيلو الاربع حليب، عدد 2 بصلة مبشورة او مقطعة مكعبات صغيرة، كوب كبير عصير طماطم وغيرها.

  • 1/2 كيلو مكرونة قلم
  • كيلو الاربع حليب
  • عدد 2 بصلة مبشورة او مقطعة مكعبات صغيرة
  • كوب كبير عصير طماطم
  • 3 معالق صلصة طماطم
  • 1/2 كيلو لحمة مفرومة او ربع حسب الرغبة
  • 6 كبيرة معالق دقيق
  • 6 معالق كبيرة زبدة او سمنة حسب الرغبة
  • ملح 🧂
  • 1/4 معلقة صغيرة فلفل اسود
  • 1/4 معلقة صغيرة بهارات
  • رشه جوزة الطيب
  • 2 ورقه لورا
  1. تسلق المكرونة نصف سلقة وملحوظه منغسلش المكرونة 🖐وبعدين نجهز اللحمة المفرومة في طاسة ساخنة علي النار ننزل بالمادة الدهنيه زيت اوسمن وبعدين ننزل باللحمه تشوح ونديها التوابل الفلفل والبهارات وجوزة الطيب وبعدين ننزل بالبصل ونقلب وبعدين ننزل بصلصة الطماطم وبعدين ننزل بعصير الطماطم ونسبها تتسبك مع بعضها
  2. نجهز البشاميل بقا ننزل بالزبدة مع شوية زيت واول ما تسيح ننزل بالدقيق ونقلب الي ان يصبح لونة دهبي فاتح نحط رشه جوزة الطيب و ننزل باللبن البارد بدرجه حرارة الغرفه ونقلب كويس جدا لحد ما يتقل ناخذ جزء منه في طبق حوالي كوبايتين ونخلطهم بمعلقه كبيرة زبدة وربع كوب جبنة رومي مبشورة ونقلب ونخلط باقي البشاميل علي المكرونة المسلوقه ونقسمها نصفين نصف في صينية مدهونة زبدة كويس جدا ونرش طبقه بقسماط فوق الزبدة وبعدين نحط عليها طبقه مكرونة وبعدين طبقه لحمة وبعدين باقي المكرونة
  3. طبق البشاميل بقا اللي حضرناة علي جمب نحطه علي وش المكرونة وتدخل فرن ساخن درجه الحراره عالية من تحت بس واول ما الجناب تحمر نشغل عليها الشواية ياخد الوش اللون المطلوب وبالف هنا
  4. ملحوظه اللي بيحب المكرونة يكون البشاميل سايح يقطعها ساخنة واللي بيحبها متماسكة يقطعها لما تهدى شوية 👍
عجبتك الوصفة؟
شوف كل وصفاتنا في مكان واحد
كل الوصفات →