→ كل الوصفات

المكرونه الإيطالية🇮🇹

وصفة من المطبخ الايطالي مش محتاجه وقت كتير خالص بالعكس احسن حاجه فيها انها سهلة وف نفس الوقت تجديد ليكي ف الفتره اللي ناس كلها مشغوله بسبب امتحانات ربنا يوفق الكل وهتعجبكم جدا بإذن الله⁦❤️⁩

  • 1/2 ك مكرونه اسباجيتي او أي نوع تحبيه مسلوقة
  • 2 جزر مبشور
  • بصلة متوسطة مقطعة مكعبات صغيره
  • ملح وفلفل اسود حسب الرغبه
  • م ك زيت زيتون
  • 1/2 كوب عصير طماطم + 1/2 م ك صلصة
  • رشة سكر
  • جبنة موزاريلا او شيدر مبشور كميه حسب الرغبه
  • 1/4 كوب زبادي
  • 1/4 م ص روزماري
  • 1/4 م ص زعتر مجفف
  • رشة ريحان مجفف او نعناع مجفف
  1. ملحوظة: لو معندكيش زبادي ممكن لبن رايب لو معندكيش اي حاجه من دول عايزة بديل لعلبة زبادي هتخلطي كوب لبن سايل مع معلقه كبيرة خل او عصير ليمون وماتقلبيش عليهم غير بعد ١٠ دقايق بس طبعا ف وصفة دي هتعملي ربع كوب حليب مع كمية بسيطه من الخل لاننا مش محتاجين الكمية دي البديل ده ينفع مع اي وصفة ماعدا المعجنات المعجنات لاما زبادي لاما لبن رايب
  2. هتجيبي حلة هتسلقي فيها المكرونة وبعدين تصفيها وتغسليها بماء بارد شوية بس مسحه صغيره علشان ماتمسكش ف بعض وبعدين اركنيها ع جنب
  3. بعدين ف حله صغيره هتحطي زيت زيتون وهتنزلي بالبصل و الجزر و قلبي ولما يبدأوا يدبلوا شوية هتنزلي بعصير طماطم وصلصة واخلطيهم وحطي توابل كلها اللي عندك و رشة سكر بسيطة
  4. بعدين هتنزلي بزبادي و الجبن مع تقليب هتلاقي الخليط يبدأ يغلي ويتسبك كده هتقفلي عليه
  5. وفي حله اللي سلقتي فيها المكرونة هتحطي زيت بسيط وهتنزلي المكرونه فيه وتقلبي علشان مكرونه تبقى بتلمع وتسخن وبعدين تحطيها ف طبق تقديم وصوص عليها من فوق وبألف هنا ⁦♥️⁩ لو ف حاله انك مش عايزة تقدميها كده ممكن تعملي صوص ف حله كبيره و لما يتسبك هتنزلي عليه بالمكرونه وتقلبيهم ف بعض وبعدين تقدميه ⁦❤️⁩
  6. ملحوظة ف سلق المكرونة : ماتخليش المكرونه تتسلق زيادة عن لزوم يفضل تكون اقل بدقيقتين عن الوقت المكتوب ف علبه المكرونه او بعينك تاخدي بالك انه يكون فيه مضغة بسيطه علشان لما بيختلط بصوص بيطرى اكتر او لو هيتعمل مع بشاميل ف لسه هيكمل تسويه معاه ف علشان ماتتهريش منك
  7. ملحوظة كمان تقدري تعمليها باللحمة المفرومه بانك هتحطي اللحمه المفرومه تستوي الاول مع بعض وتنزلي الجزر بعد كده وتقلبي وتعملي نفس خطوات اللي فوق
عجبتك الوصفة؟
شوف كل وصفاتنا في مكان واحد
كل الوصفات →