→ كل الوصفات
طريقة عمل المكرونه البشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيس معكرونه أقلام
- 1 كيلو لبن
- 5 معالق دقيق
- 3 معالق سمنه على زبده
- لحمه مفرومه
- حبة بصله كبيرة
- 2 فص ثوم مفروم
- 3 حبات طماطم
- و3 حبات فلفل رومي
- بهارات
- ملح
- فلفل اسمر
- جوزة الطيب
- روز مارى
- قرفه
طريقة التحضير
- هسلق المعكرونه واضفيها واشطفها كويس عشان اوقف السوا عشان متعجنش
- هعصج اللحمه وعليها البصله المبشورة والثوم المفروم والطماطم مكعبات والفلفل المكعبات وانزل بالبهارات
- وف نفس الحله اللي سلقنا فيها المعكرونه نغسلها ونعمل البشاميل ننزل ب٣ معالق السمنه على الزبده لما تذوب انزل عليها بال٥ معالق دقيق لحد لما يتحمرو معايا ورحيتهم تطلع كدا الجميله دى للاون الذهبى وبعدين ننزل باللبن ونقلب كويس بالمضرب السلك اليدوي عشان ميكلكعش لحد لما يتقل للقوام اللي عوزاه انا بعمله متوسط وننزل بالبهارات ونخلى بلنا من الملح ونحط عليه موزاريلا وممكن لو عندك جبنه مثلثات يسلام على الطعم
- وبعدين بشطف المعكرونه ونزل بيها على البشاميل واقلب كويس
- بعدين في الصينيه ادهنها الاول وانزل بنص المعكرونه واحط اللحمه المعصجه والمتزاريلا وبعدين باقي المعكرونه كلها وانزل بباقي البشاميل على الوجه ونحط على الوجه ياكريمه وجه اللبن بتكون تحفه يا موزاريلا
- وبألف هنا من مطبخ روقاااا ا👩👧
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد