→ كل الوصفات

المكرونه بالبشاميل

المكرونة بالشاميل بقت في معظم عزوماتنا لازم تكون موجودة وغير اننا تقريبا كلنا بنحبها❤️

  • كيسين مكرونه فرن (قلم)
  • 1/2 كيلو لحم مفروم
  • 2 بصله كبيره مفرومه
  • 2 كوب دقيق منخول
  • 3/4 كوب سمن
  • 1/2 كوب زيت
  • كيلو لبن
  • ملح
  • اقل من ربع معلقه من التوابل التاليه 👇🏻
  • فلفل اسود
  • بهارات
  • كمون سادة
  • زنجبيل مطحون
  • قرفه
  • زعتر/روز ماري مطحونين
  • معلقه صغيره سكر
  1. في اناء مناسب ضعي لتر ونص ماء يغلي وضعي المكرونه بعد الغليان وربع معلقه ملح واول ما تفور قلبيها وغطى الاناء نص تغطيه وكل شويه قلبيها لحد النضج
  2. في أثناء ما بنسلق المكرونه ضعى في اناء اخر معلقه سمن ومعلقه ونص زيت وحطى البصل حتى ياخذ اللون الذهبي ثم تضعى اللحم وتقلب ثم نضع التوابل والملح حسب الرغبه ونقلب حتى النضج
  3. نصفي المكرونة بس⭕ نسيب مية السلق هنحتاجها خدى بالك ⭕ ونحطها علي جمب هى واللحمه المعصجه
  4. في اناء اخر وممكن مكان المكرونه نضع باقي السمن والزيت واول ما يسخن نحط الدقيق ونقلب علي ناار متوسطه لحد ما لونة يتغير ونضيف اللبن المغلي شوية بشوية لحد ما يخلص نزود من مية السلق لحد ماتوصلي للقوام المطلوب ونحط نص معلقه ملح وشويه فلفل اسود وكمون ومعلقه السكر
  5. انا بعملها چوسي شوية انما لو عاوزها قطع زودى ميه بس مش كتير وتكون تقيله مش كريميه
  6. نجيب صنيه مقاس 26 ونحط ربع كميه البشاميل في القاع
  7. ونقلب مغرفه واحده بشاميل في المكرونة
  8. ونحط نص كميه المكرونة وفوقها اللحمه ونفردهم بالتساوى ونحط مغرفه بشاميل عاللحمه هيكون مغرقها وكتير وتحفه
  9. وفوقهم بقيه المكرونة وصوص البشاميل
  10. دخليها فرن الرف اللي تحت نص ساعة في الفرن لو مش حامى لحد ما تاخد وش وبس
  11. وقطعيها وبالهنا والشفا❤️❤️
عجبتك الوصفة؟
شوف كل وصفاتنا في مكان واحد
كل الوصفات →