→ كل الوصفات

المكرونه بالصلصه الحمرا على طريقتي

طريقة عمل المكرونه بالصلصه الحمرا على طريقتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مكرونه او حسب عدد الافراد
  • 6 حبات طماطم
  • حبيتين فلفل اخضر
  • بصله كبيره
  • معلقتين معجون صلصله
  • مكعبين ماجي
  • ملعقه صغيره كمون
  • 0.5 ملعقه صغيره فلفل اسود
  1. اول حاجه نحضر الصلصه::_ انا عشان ابني مبيحبش يشوف البصل باين في المكرونه فانا فرمت البصله مع الطماطم.. بس انت ممكن تحمري البصله الاول في شويه زيت و بعدين تحطي الطماطم
  2. المهم انا فرمت الطماطم و البصل و الفلفل و مكعبات الماجي و ملعقتين الصلصه في الكبه كلهم سوا
  3. نزلت بشويه زيت في الطاسه واول ما سخن نزلت عليهم بالطماطم المفرومه
  4. و نحط معلقه صغيره كمون و نص معلقه صغيره فلفل اسود
  5. التكه بتاعتي بقي بحط رشه سكر زي ربع معلقه صغيره كده
  6. و التكه التانيه بقي باخد كوب ميه من ميه سليق المكرونه بجد بتخليها طريه كده و سايحه و طعمها يجنن
  7. نسبها بقي تتسبك و ميتها تنشف
  8. في الوقت ده نكون بنسلق المكرونه في ميه مغليه و عليها معلقتين زيت و نص ملعقه كبيره ملح و اول ما تتسلق بناخد من الميه الكوبايه و نحطها في الصلصه و نسبها تتسبك على ما المكرونه تكمل سوا
  9. خلاص المكرونه استوت نصفيها و طبعا بتكون سخنه و الصلصه خلاص اتسبكت و سخنه نحطهم بقي على بعض و نقلبهم كويس اووووي
  10. ولو عندك جبنه مطبوخه اي نوع سواء كيري او كوبايات حطي منها معلقتين كبار على المكرونه هتبقي فظيييييعه.. بس انا مكنش عندي و عملتها المرادي من غيرها
  11. و بس و بالف هنا وشفا 😍
عجبتك الوصفة؟
شوف كل وصفاتنا في مكان واحد
كل الوصفات →