→ كل الوصفات

الملفيه زي الجاهز واحلي 👌 #وتحدي 💪

بتكلفه اقل وطعم احلى وانظف من الجاهز وكمان ٣ طبقات 🤩

  • علبة ملفيه مربعه الطحان
  • 1/4 كوب معياري باستري كريم
  • 1/2 كوب كريم شانتيه خام
  • 2 معلقه كبيره سكر عادي
  • معلقه كبيره لبن بودر نيدو
  • 1/2 معلقه صغيره فانيليا سائلة (اختياري)
  • كوب وربع ماء مثلج
  • للتزيين
  • مربى مشمش
  • شوكولاته نوتيلا بيضا
  • مكسرات
  • ورق دهب
  1. بنجيب بوله ونضع السكر وربع كوب الماء وندوبهم بالمعلقه ثم ننزل بالكريم شانتيه والباستري كريم ولبن البودرة والفانيليا السايله وباقي الماء ونقلبهم بالمضرب الكهربائي ثم نضرب لمده ١٠ دقائق
  2. بنجيب بورد تقطيع او صاج ونقلبه على ظهره ثم نضع حتى من خليط الباستري كريم في نص الصاج ثم نضع اول طبقه من الملفيه واحسن نوع الطحان (الظهر تحت والوش فوق عادي في اول طبقه) زي الصوره كده
  3. ثم نضع بالكيس الحلواني خليط الباستري ونوزعه على كل طبقه الملفيه ونسويها بالسبتيوله
  4. ثم نضع الطبقه التانيه من الملفيه (الظهر فوق والوش تحت) الطبقه المتساويه من فوق ثم نضع خليط الباستري كريم ونسويها
  5. ونضع الطبقه التالته من الملفيه وطبعا اغلب محلات الحلويات بيعمله طبقتين بس (الظهر فوق والوش تحت) الطبقه المتساويه من فوق ثم نضع خليط الباستري كريم ونسويها بالسبتيوله وندخلها الثلاجه ليله كامله مكشوفه عادي مش شرط نغطيها (مينفعش نهائي نقطع الملفيه في نفس اليوم لازم يبات علشان ميتكسرش منك)
  6. تاني يوم بنجيب مربى المشمش ونفكها بالعلقه (مش المضرب السلك علشان لونه وقوامه هيتغير)
  7. ثم نطلع الملفيه من الثلاجه ونوزع المربى على وجه الملفيه ونساويها بالمعلقه
  8. ثم نعمل خطوط بالطول من الشوكولاته نوتيلا بيضا (بنسيحها على حمام بخار او الميكرويف) او جزء من خليط الباستري كريم نخففه بشوية مياه
  9. ونعمل في جزء خطوط بالشوكولاته البني على الخطوط البيضه وبنعمل بالخله مره رايح جاي ومره عكس الاتجاه وهتعمل شكل المحلات الحلو دا
  10. بنقطعها من الحروف ونساويها بسيط ثم نقطع قطع الجاتو بالتساوي بسكينه فاكه صغيرة مشرشره وليس طرنش علشان تعرفي تقطعي كويس وبنحط السكينه في ماء مغلي في كل مره بقطع فيها وامسح بمنديل (والجزء اللي بنقطعه من الحروف بنحطه في بولات صغيرة ونحط عليه خليط من الباستري كريم ونزينه بردو)
  11. وبحط كل قطعه في ورقه كب كيك من تحتها وبنزينها بالمكسرات وورقة الدهب والكميه دي عملت معايا ١٠ قطع ٥ قطع كبار و٥ قطع اصغر و بنحفظها في علبه ثلاجة وطعمه ولا اروع وخفيف و٣ طبقات وبالف هنا 😋
  12. ملاحظات :ممكن في التزيين نحط جناش شوكولاته بدل مربى المشمش للناس اللي بتحب الشوكولاته وكمان ممكن منحطش طبقه الكريمه ونرش سكر بودر على الوجه
عجبتك الوصفة؟
شوف كل وصفاتنا في مكان واحد
كل الوصفات →