→ كل الوصفات

الملوخية اللبنانية مع دبس الرمان

#طلبات_عائلتي اكثر اكلة بحبوها اولادي وزوجي بحضرها بكل حب الملوخية تعتبر فخر الاطباق اللبنانية فعلا وما في ولا بيت ما بيعمل هالاكلة وكل ست الها لمستها الخاصة وكل اسرة بتحبا بشي مميز بيعطي لمستة ست البيت يلي بتميزها عن غيرها

  • اوقية ملوخية ورق يابسة
  • كيلو دجاج (فخاذ)
  • 6 ليتر ماء
  • 1/2 حبة حامض
  • بصلة
  • عود قرفة
  • هيل حب
  • ورق غار
  • عود اكليل الجبل
  • حبتين مسكة
  • قطعة جزر
  • عرقين بقدونس
  • ملعقة صغيرة سكر
  • ملعقة كبيرة ملح
  • ضمة كاملة كزبرا
  • ثوم راس كبير مهروس
  • 1/2 كوب كبير زيت نباتي
  • حر حسب الرغبة
  • ملح حسب الرغبة
  • دبس الرمان
  • رز مفلفل بشعيرية
  1. اولا نحضر الملوخية الورق (انا بجففهن بفصل الصيف وبحفظهم بكرتونة ما بتوصلها الرطوبة وفيكم تفرزوهم في كذا طريقة....)
  2. ننقعهم بماء شبه دافي ساعتين ثم نصفيهم ونعصرهم جيدا من الماء ونضعهم على طبق واسع وكبير حتى يجفوا تماما شي اربع ساعات
  3. لنحضر التقلاية نهرس الثوم ونضعه مع الزيت بالطنجرة
  4. نفرم الكزبرا ونضيفها ونقلبهم لتنضج الكزبرا ثم نضيف الملوخية ونضل نقلب حتى كل الملوخية تتقلى جيدا ويتغير لونها بعد ما الملوخية انقلت منيح فيكم تضيفو حر
  5. نسلق الدجاج بالمطيبات ثم يفصص(يفرنس/يقطع...) ثم نصفي المرقة ونضيفها فوق الملوخية ونخليهم يغلوا حتى نشوف وراق الملوخية استوت وما عادت قاسية
  6. عندها نضيف الدجاج والملح ونخليهم يغلوا عشرة دقايق
  7. وتسكب مع الرز المفلفل ودبس الرمان روووعة بالهنا
عجبتك الوصفة؟
شوف كل وصفاتنا في مكان واحد
كل الوصفات →