→ كل الوصفات
#النمليه الملوخية كانت نبات قديم في عهد الفراعنة، وكان يسمى " خية " و كان يعتقد المصريون انها نبتة سامة وعندما احتل الهكسوس مصر وهدموا وطمسوا معالم الحضارة الفرعونية أجبروا المصريين على تناولها وكانوا يقولوا لهم : " ملو - خية " أي كلوا " خية " و بعدما تناولها المصريين وظنوا انهم ميتون لا محالة اكتشفوا انها غير سامة وانها تصلح للأكل وصفتي النهارده محدش بيعملها غير اهالي الصعيد و بالذات اسوان والأقصر و قنا انا مكنتش اعرف المخرطه غير لما اتجوزت🙈 الملوخيه بالنسبه ليا كانت مفروكه
المقادير
- نص كيلو ملوخيه
- 2 كوب شوربه
- ملعقة كبيره ثوم مفروم
- نص ملعقة كبيره كزبرة ناشفه
- نص ملعقة كربونات
طريقة التحضير
- هنغلي الشوربه ونحط فيها الثوم والكزبره والكربونات
- بعد كده نحط ورق الملوخيه في الشوربهو نسيبه حوالي عشر دقائق تغلي علشان الملوخيه تذوب
- نحطها في حاجه غويطه ونفرك فيها بالمفراك لحد ما تنعم خالص في ناس بتعملها طشه في الاخر هي حاجه اختياريه وبتتاكل بالعيش الشمسي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد