→ كل الوصفات

الملوخية بالشهقة الياباني "يوشّ"!!

انك تتكعبل في كيس ملوخية في اليابان ده في حد ذاته حلم كبير !!...وانك تعملها وتطلع حلوة ف ده شئ اسطوري 😄😄

  • كيس ملوخية مجمدة
  • شوربة فراخ او لحمة او مكعبات مرقة "اللي موجود اشتغل بيه"
  • رأس ثوم
  • زبدة صفراء
  • كسبرة
  • ملح
  • فلفل
  1. تغلي المرقة كويس وتنزل فيها بالملوخية وتديها غلوة صغيرة خالص
  2. تفضل تقلب الملوخية مع المرقة بالراحة لحد ما ينسجموا مع بعض وتطفي علي طول
  3. في طاسة علي جنب تسيح الزبدة وتنزل عليها بالكسبرة و وراهم علي طول الثوم المتقطع او مهروس"زي ما صحتك تجيب يعني"
  4. تقلب الكلام اللي فوق ده لحد ما لون الطاسة يبقي بني وقبل ما الثوم يتحرق
  5. تنزل بالخلطة ديه علي الحلة اللي فيها الملوخية وإيه؟!!!😄😄 تشهق!! 😂😂😂
  6. تاخد معلقة من سائل ملوخية وتنزل بيها في الطاسة تاني عشان تلم شوية الكسبرة اللي ساقطين و مترسبين في الطاسة.. هتسمع صوت "طشة الملوخية فعلا في الخطوة ديه وهتشهق علي حق"😄😄😄
  7. تقلب التقلية مع الملوخية كويس وتغطي الحلة عشان الملوخية تاخد ريحة الثوم وتحط ملح وفلفل علي مزاجك اذا حبيت وبالهنا والشفتشي 👌😄
عجبتك الوصفة؟
شوف كل وصفاتنا في مكان واحد
كل الوصفات →