→ كل الوصفات
طريقة عمل الملوخية على اصولها 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ملوخية يابسة (الكمية موجودة بطريقةالتحضير حسب الرغبة)
- 2 صدور دجاج
- راس ثوم
- عصير ليمون 🍋
- ملح
- فلفل
- ملح ليمون
- باقة كزبرة مطحونة
- زيت دوار الشمس
طريقة التحضير
- في طنجرة على النار عبي نصها ماء مع 3 ملاعق ملح ليمون واتركيه لتصير الماء فاترة وطفي النار
- بعدين جيبي الملوخية وبلشي حطيها بالمي واكبسيها لتحت لحتى تتعبا الطنجرة بالكمية اللي بدك ياها واتركيها منقوعة شي ساعة
- بعدين في طنجرة صغيرة حطي شوية زيت دوار الشمس وحبتين ثوم مهروسات وشيلي شوي من الملوخية وقليها منيح لحتى تتحمص وتصير نص مقرمشة 😍 وبعدين حطيها بوعاء لحالا على جنب وضلي قلي الملوخية على دفعات صغيرة لتخلص الكمية وكل ماقليتي دفعتين ملوخية رجعي حطي حبتين ثوم وشوية زيت لانو بيكون الثوم والزيت راح مع الدفعات اللي قبل
- صفي الملوخية من الماء واغسليها واكبسيها منيح لتصفا من الماء
- ذوقيها كل شوي لحتى تحسيها استوت منيح بتكوني مجهزة الثوم المهروس وعصير الليمون وصبيه عليها واخلطيها مع مرقة الملوخية لحتى تظهر الطعمة الحامضة فيها 😍
- بطنجرة كبيرة على النار قطعي صدور الدجاج واطبخيها بدون مرقة بس بشوية زيت وملح وكزبرة لحتى تستوي وبعدين ضيفي فوقا الملوخية وحركين منيح وضيفي كزبرة وملح وفلفل واخلطين منيح وضيفي ماء غليانة لحتى تغمر الملوخية منيح واتركيها تغلي
- قدميها مع المرقة وجنبا رز وازا حابة تتفنني بالرز وتجربي شي جديد فيه بتلاقي بوصفاتي وصفة رز بتمنى تعجبك 😘
- والف صحا وعافية 😋 💞
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد