→ كل الوصفات
#التحدي_الالماسي
المقادير
- 2 كيس من غبرة الملوخية
- كيلو لحم بڨري
- 1 لتر زيت زيتون
- 2 رؤوس ثوم كبار
- أوراق رند (غار)
- زعيترة
- ملح وفلفل اسود حسب الحاجة
- رشة راس الحانوت
- ملعقة طماطم مصبرة
- ماء ساخن
طريقة التحضير
- قطعي اللحم وحطيه يتقلى في شوية زيت زيتون،ملح وفلفل أكحل وملعقة الطماطم.مرقيه بلتر ونصف ماء ساخن وخليه على نار هادية. من جهة فرغي غبرة الملوخية وحليها مليح في زيت زيتون وكل ما تتشربو زيديلها
- كي تبدا تغلي القدرة أرمي الملوخية وابداي تحركي فيها باش ما تلسقش وكل ما تعقد مرقيها بنصف كاس ماء دايما يكون سخون.خليها تطبخ حوالي ساعة ثم أرمي الثوم لي تكوني درستيه مع راس الحانوت والزعيترة (ماديريش الأغصان) وارمي تاني الرند زيدي نص كاس ماء وكملي تحركي كل 5 دقائق وزيدي الماء ادا احتاجت
- خليها تطهى حوالي ساعتين حتى تشوفيها ماراهيش تتعلك واللحم ديالك يطيب (يستوي) مليح طفي عليها
- كي تبدا تبرد يطلع الزيت مالفوق لتم تعرفي بلي الملوخية تاعك طايبة قدميها بالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد