→ كل الوصفات
احلى ملوخيه طبعا الى بتكون من شوربه الارانب 💞
المقادير
- 1 ارنب متوسط الحجم
- للشوربه
- ربع ملعقة حبهان مطحون
- ربع ملعقة جوزه الطيب مطحون
- نص ملعقة فلفل اسود
- 3 ورق لورا
- 1 بصله
- 1 طمطمايه
- للملوخيه
- معلقه توم كبيره مفروم
- معلقه كسبره ناعمه
- معلقه سمنه
- نص كيلو ملوخيه فريش متخرطه
طريقة التحضير
- اولا هنشوح الارانب في الحله بمعلقه زيت كويس و نضيف عليها البهارات كلها هنقلب فيا لحد ملونها يتغير
- و بعدين ننزل بالمياه و نضيف البصله و الطمطمايه و نسيبهم من نص ساعه لساعه الا ربع على مالارانب تتسلق
- اول مالارانب تستوي و الشوربه تتظبط احط الملح و اشيل الارانب على جمب عشان هحمرها قبل التقديم
- و اخد للملوخيه حوالي كوب شوربه او اقل عشان متبقاش خفيفه و لو تقيله اوي هزودلها واحده واحده لحد موصل للقوام المظبوط
- و اضيف الملوخيه المتخرطه و اقلب كويس
- وفنفس الوقت معايا معلقه سمنه فطاسه سخنه و اضيف التوم والكسبره و لما التوم يدبل
- اضفهم على الملوخيه و اقلب تاخد غلوه صغيره و اطفي عشان الملوخيه متهبطش
- و على التقديم و بالف هنا. 💞💞💞
- طبعا بيتقدم معاهم رز ابيض او معمر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد