→ كل الوصفات

الملوخيه باللحمه

طريقة عمل الملوخيه باللحمه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لتر ونصف ماء
  • ½ كيلو أو كيلو الا ربع لحمه
  • بصله متقشره ومغسوله بس
  • طماطمايه معصوره
  • معلقه صغيره سكر
  • كيس ملوخيه أو ما يعادلها
  • فلفل أسمر
  • ورقتين لورى صغيرين
  • حبهان واحده
  • رشه خفيفه زعتر
  • رشه خفيفه كركم
  • رشه خفيفه ينسون نجم مطحون
  • رشه خفيفه قرفه
  • رشه خفيفه زنجبيل مطحون
  • ملح حسب الرغبة
  • للطشه
  • معلقه كبيره مليانه سمنه
  • معلقتين كبار كزبره مطحونه
  • 8 تومات مهروسين
  1. بحط الميه على النار الوسط تغلي واحط اللحمه وكل لما تعمل ريم اشيلو ولما يخلص أحط البصله والبهارات كلها ماعدا الملح والسكر والطماطم تغلي أوطي النار عليها وأغطيها ساعه وبعدها أشيل البصله وورق اللورى والحبهان واحط الملح واعلي يغلي أقفل عليه واحط الملوخيه المجمده واغطي عشر دقايق او ربع ساعه وأشيل الغطى وأفتح النار وكل لما تغلي عالجناب بسيط اقلب من الوش بس موش لتحت وأوطي النار و هكذا لحد الرغاوي ماتروح وتبقى بسيطه اوي
  2. اعمل الطشه ‏كلو عالنار ومع التقليب المستمر لحد ما التوم يحمر واحطو عالملوخيه وبعدين بالمغرفه اجيب شوية ملوخيه عالطاسه اللي فيها الطشه واقلب عشان بقيت الطعم ينزل مرتين تقريبا تعمليها ونقلبها بالراحه لتحت واغرف وبالف هنا
  3. ‏ملحوظه بسيطه ‏لو اللحمه هتاخد سوا اكتر من ساعه على كل نص ساعه زودي نصف كوب عادي موش كبير ماء من الاول لو عارفه لو موش عارفه زوديها بعد الساعه عادي
عجبتك الوصفة؟
شوف كل وصفاتنا في مكان واحد
كل الوصفات →