→ كل الوصفات
#أطباق_رمضان
المقادير
- 1/2 كيلو ممبار متنضف
- 2 كوب رز مصري
- معلقتين كبار صلصله
- عصير طماطم
- بصلايه كبيره مبشوره
- 1/4 كوب شبت مفروم
- 1/4 كوب بقدونس مفروم
- معلقه كسبره ناشفه
- معلقه شطه حمرا
- معلقه فلفل اسود
- ملح حسب الرغبه
- حبهان وورق لوري للشوربه
- ماء ساخن للغلي
طريقة التحضير
- اول حاجه هاجيب الممبار متنضف وانقعه ف مايه وليمون وملح نص ساعه وبعد كده اصفيه كويس واقطعه الحجم اللي احبه
- علي النار اضع زبده والبصل واقلبهم لحد ما لونهم يتغير وانزل عسير الطماطم والصلصه واسيبهم يتسبكوا سوا ويتقلوا
- اضيف الارز المغسول كويس واقلبهم مع بعض واظبط البهارات والملح
- ف النهايه اضيف الخضره المفرومه واقلبهم مع بعض كويس
- احشي الممبار حشو خفيف جدا ميبقاش مليان وممكن اربطه بخيط من الاطراف
- اغلي مايه موضوع بها حبهان وورق لوري
- انزل الممبار فيها وانا مش ببربطه انا بمسك الطرفين لحد ما تلم الممبارايه معايا واسيبها
- وبعد كده اسيبهم يستوا وكل شويه اقلبهم من تحت
- اطلعهم واقليهم ف زيت علي نار عاليه يادوب يحمر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد