→ كل الوصفات
#اتبعوها_مابتندموا😍
المقادير
- اول شي كيلو لحمة
- 3 كاسات كبار رز صنوايت
- وكاسة رز حبة طويلة
- معلقة ملح
- معلقتين بهار منسف
- كوب الا ربع زيت وممكن استبدالها بالسمنة البلدية
- عودين قرفة
- بصلة حب هيل
- ورق غار
- معلقتين زيت
- ماء مغلي
- 1/2 حبة جميد كركي
- كيلو زبادي
- هيل مطحون
- 1/2 معلقة بهار منسف
- رشة صغيرة. نشا
- بقدونس. ومكسرات للوجه
- خبز شراك
طريقة التحضير
- بنحط بالطنجرة الضغط اللحمة وبننزل عليها البهار وورق الغار والهيل والقرفة (بدون ملح) وبنخليهم شوي بعدين بندير عليهم الماء المغلي وبس يغلي بنشيل الزفرة وبنغطيه لمدة نص ساعة (حسب نوع اللحمة) في انواع اكتر من نص ساعة
- بننقع اللبن بعد تحطيمه لمدة نص ساعة الى ساعة بماء دافي ومش حار او بارد
- بعديها بنحطه بالخلاط وبنخلطه بعدين بنصفيه
- بعدين فوقيهم بنخلط الزبادي بالخلاط وبنصفيه فوق الجميد
- بعدين بنجيب كوب من مرق اللحمة وبنحط عليه ومعهم رشة نشا
- وعلى الغاز بنحطه وبنحط معهم نص ملعقة بهار منسف ونص ملعقة هيل مطحون او حب
- وبنضل نحرك لحتى يغلي ممنوع نوقف تحريك والا بخرب وهيك خلصنا من اللبن
- بعدين بنروح للرز:👇👇👇👇
- بنحط الرز الصنوايت مع ارز حبة طويلة وبنغسلهم وبنحط عليهم شوية كركم وبنخليهم ٢٠ دقيفة وبنصفيهم
- بنحط زيت بالطنجرة انا بخلطه زيت زيتون وزيت قلي وايام بستخدم سمنة
- وبنحطهم على النار شوي بعدين بنزل الرز مع ملعقة الملح وبنزل الماء الساخنة
- كيف بدنا نعرف للرز الماء مناسب او لا بنوقف المعلقة بهذا الشكل اذا وقفت وماوقعت معناها الماء مناسبة وبنخليه يغلي وبنخفف النار لحتى يستوي
- وهيك بكون جهز
- بعدين بنجيب السدر بنحط الشراك اول شي وبندير عليهم شوية مرق او لبن من اللي عملناه
- بعدين الرز
- بعدها اللحمة قطعة قطعة تتغمس باللبن وبنخرجها نرتبها عالسدر وبامكانكم بعد غليان اللبن تحطوا اللحمة بس انا مابحب
- بعدين البقدونس والمكسرات
- بعدين نوزع اللبن بصحون التقديم
- وصحتييين😍😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد