→ كل الوصفات
طريقة عمل النجرسكو الجميلة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيس معكرونة فرن الى هي 400 جرام
- الحشو
- كيلو صدور بانيه
- فلفل رومي
- فلفل الوان لو متوفر
- التوابل
- ملح وفلفل اسود حسب الحاجة
- زنجبيل
- بهارات فراخ
- 2 فص ثوم مفروم
- ميكس جبن
- شيدر
- موتزاريلا
- رومي
- البشاميل
- 2 لتر لبن
- 2 كيس بشاميل ماجي
- جبنة كريمي او بطعم القشطة
طريقة التحضير
- اولا هجيب صدور البانيه وهقطعه قطع صغيرة وأحط عليه التوابل الى هي ملح وفلفل وبهارات الفراخ والزنجبيل والثوم المفروم واقوم بتقليبهم كويس لحد ما المكونات تتخلط مع بعض ونسيبها في التتبيلة ساعة على الاقل
- اسلق المعكرونة حلة فيها ماء على النار ولما تغلى احط ٣ملاعق زيت كبار ومعلقة ملح وأحط المعكرونة واما تتسلق احطها في مصفاة من غير ما اشطفها
- البشاميل هدوب كيسين البشاميل في ٢لتر لبن ساقع لحد اما ميبقاش فيه تكتلات كل ده على البارد وبعدين احطه على البوتاجاز وأحط ملعقة كبيرة جبنة كريمي او جبنة بطعم القشطة وقلب لحد اما يبقى القوام متوسط مايل للخفيف ولو تقل بحط حبة لبن او ماء او شوربة لحد اما يبقى القوام مايل للخفيف و اطفى عليه
- هنجيب طاسة ونحط حبة زيت وننزل بالفراخ تأخذ صدمة و نقلب شوية لحد اما تنزل مايتها انزل عليها بالفلفل الرومي والالوان واقلبهم مع بعض واسيبها على النار لحد اما تستوي
- هنجيب الصينية و ونحط في القعر حبة بشاميل وبعدين انزل المعكرونة و الفراخ وأحط ٢ مغرفة من البشاميل واقلبهم كلهم مع بعض وبعدين احط شرائح جبنة شيدر وموتزريلا وبعدين احط البشاميل و اوزعه كويس وادخلها الفرن واشغله من تحت لمدة ٥ دقائق وبعدين اطلع الصينية احط على الوجه ميكس الجبن الى عندي وادخلها الفرن واشغل الشواية لحد اما تحمر وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد