→ كل الوصفات

النجرسكو والبانيه

قربي ياهانم قرب يا بيه

  • كيس معكرونه سباغيتي او اقلام او عقل كبيره
  • 1/2 صدور فراخ مقطعة صغير
  • بصلة كبيرة
  • 2 معلقة دقيق
  • 2 معلقة سمنة
  • مكعب مرقة دجاج
  • 3/4 لتر لبن
  • فلفل أخضر وفلفل الوان
  • ملح وفلفل اسود حسب الرغبة
  • م ص بهارات
  • م ص بابريكا وقرفة
  • جبن كيري مكعبات او العلبة
  1. انا قطعت الفراخ قطع صغيرة وتبلتها بفلفل وبابريكا ومايونيز وصويا صوص وثوم باودر وبصل باودر وليمون وسيبتها ساعتين
  2. نسلق المعكرونه ونتركها على جنب
  3. في مقلايه على النار نشوح البصل لحد ما يصفر ونضيف الفراخ لحد مالونها يتغير ثم نضيف الفلفل الألوان ونقلب تقلبتين ونطفي نار ونحط الفلفل والملح والبابريكا والبهارات المتاحة
  4. نضع المعكرونه في صينية وعليها الفراخ ونقلبهم مع بعض
  5. في حلة على النار نضع معلقتين سمن ثم معلقتين دقيق ونقلبهم جيداً ثم نضيف اللبن بالتدريج ونضع المرقه في نص كوب ماء ساخن ونضيفهم للخليط
  6. نمزج الخليط السابق بالمعلقه جيداً او المضرب اليدوي ونضيف رشه قرفة ومعلقة كبيرة جبن كيري بالقشطة علبة او قطعتين مكعبات كيري
  7. نضع جزء من البشاميل على المعكرونة بالفراخ ونقلبهم ثم نضيف الباقي على الصينيه من فوق وندخلها الفرن حتى يحمر وجه البشاميل.. الفلفل الالوان ظاهر من جوه بيدي طعم وريحة
  8. لو اتبقي قطع فراخ من اللي كانت متبلة انا عملتها بدقيق وبيض وبقسماط وحمرتها في الزيت وطلعت جميله جداً
عجبتك الوصفة؟
شوف كل وصفاتنا في مكان واحد
كل الوصفات →