→ كل الوصفات
18.4.2020
المقادير
- كيس معكرونة اقلام
- ملح - فلفل اسمر - زيت (للسلق) 🧂
- للبشاميل
- 3 ملاعق سمنة 🧈
- 3 ملاعق دقيق
- كيلو إلا ربع لبن 🥛
- 1/2 كوب كريمة طبخ
- ملح وفلفل اسمر 🧂
- الحشو
- صدر فرخة متقطع مكعبات 🐔
- 3 حبات فلفل ألوان متقطعين 🥗
- زيت
- بصلة كبيرة مبشورة 🧅
- ملح - فلفل اسمر - بودرة بصل - بودر ثوم - كاري - بابريكا - بهارات فراخ-قرفة 🧂
- 1/4 كوباية بقدونس مفروم 🍀
- 1/4 كوب جبنة مواتزريلا
- رشة جبن رومي 🧀
طريقة التحضير
- هنحط حلة فيها مياه على النار ونزود الملح والفلفل والزيت أول ما المياه تغلي نحط المعكرونة
- ونسيبها تتسلق بنسبة 70% عشان لسة هتدخل الفرن تكمل ونصفيها ونغسلها كويس بمياه فاترة من الحنفية عشان ما تعجنش
- هنسخن السمنة ونضيف الدقيق ونفضل نقلب تقليب مستمر بالمضرب السلك عشان ما يعملش كتل
- أول ما الدقيق ياخذ لون شوية كده نضيف اللبن والكريمة والملح والفلفل ونهدي النار ونقلب برضوا بالمضرب السلك كل شوية كده عشان لو في اي كتل تتفك لحد ما قوامه يتقل ونطفي عليه
- نسخن معلقتين زيت كويس في طاسة 🔥ونضيف البصلة ونفضل نقلب لحد ما تذبل وننزل بالفراخ بعدين البهارات 🧂 نقلبها شوية وبعدين ننزل بالفلفل وآخر حاجة البقدونس لحد ما تنشف وتستوي
- هحط الفراخ على نص كمية البشاميل على المعكرونة وأقلبهم مع بعض أو اضيف طبقة فراخ وبعدين طبقة معكرونة بس انا بحبهم متقلبين كده على بعض
- هجيب الصينية واحط فيها من تحت بشاميل عشان ما تتحرقش بعدين اضيف المعكرونة بالفراخ اللي خلطتها فوق ☝🏻 وفي الآخر هضيف المواتزريلا على النص التاني من البشاميل واغطي بيها المعكرونة وارش جبنة رومي على الوجه 🧀
- هسيبها في الفرن حوالي نص ساعة ⏱️ وافتح بس الشواية من فوق 5 دقائق تأخذ لون في الآخر تبرد شوية واقطعها وبألف هنا 💛💛
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد