→ كل الوصفات

النجرسكو

بأفضل طعم وبدون معكرونه سباغيتي او فيتو تشيني

  • كيس معكرونه فرن مسلوقه ومتصفيه
  • لتر حليب
  • 4 مثلثات جبنة
  • مكعب مرقة
  • 5 معالق كبار دقيق
  • معلقتين زيت
  • ملح وفلفل اسود حسب الرغبة
  • كمون
  • سبع بهارات
  • شرايح رفيعه من الفراخ ويفضل الصدر
  • بصل متقطع جوانح رفيعه
  • مكعبات فلفل اخضر متقطع
  • ½ كوب زيتون مخلي
  • فصين ثوم مفرومين او متقطعين قطع صغيرة
  • معلقتين زيت
  • ملح وفلفل
  • كمون
  • سبع بهارات
  • بهارات فراخ
  • جبنة موتزاريلا للوجه
  1. الاول هنعمل البشاميل وهو عباره عن حله على النار وفيها الزيت واول مايسخن تنزلي بالدقيق وتقلبي ثانيه واحده عشان الدقيق ميأخدش لون وبعد كده ضيفي الحليب وقلبي والجبنه وبقيت مكونات البشاميل ولو عندك ملعقة قشطه ضيفيها هتعطي طعم مميز اوي وقلبي لحد مايكون القوام مظبوط واطفي النار وخدي شويه من البشاميل وضفيهم على المعكرونه وقلبيهم مع بعض
  2. يلا نعمل الحشوه وهي هتجيبي طاسه على النار وفيها الزيت وتنزلي بالفراخ تتشوح وضيفي لها البهارات وسبيها عشر دقائق تستوي بعد كده فضي الفراخ في طبق ومكان تشويح الفراخ في نفس الطاسه ضيفي البصل والفلفل الأخضر والثوم وشوحيهم شويه وبعدين ضيفي الزيتون وقلبي بقى المكونات دي على الفراخ في طبق واحد وبكده تكون الحشوه خلصت
  3. حضري صينيه وادهنيها زيت ورصي اول طبقه من المعكرونه وبعدين الحشوه وبعدين الطبقه الثانيه من المعكرونه والبشاميل على وجه الصينيه وعليه الجبنة الموتزاريلا ودخليها الفرن لحد ماتستوي وتأخذ لون ذهبي جميل وطلعيها قطعيها وبألف هنا طعمها حلو جدااا هتعجبكم اوي
عجبتك الوصفة؟
شوف كل وصفاتنا في مكان واحد
كل الوصفات →