→ كل الوصفات

النجرسكو🌸

طريقة عمل النجرسكو🌸 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو مكرونه قلم
  • 3 قطع صدور فراخ
  • 2 بصله متوسطه
  • 1 فلفل أخضر
  • زيتون اخضر مخلل بدون بذر
  • 3 معلقه كبيره دقيق
  • 2 كوب لبن
  • كوب كريمه طبخ
  • جنبه موتزاريلا
  • جبنه رومى
  • جبنه شيدر
  • زيت دره او زيت عباد شمس
  • فلفل اسود
  • شطه
  • بابريكا
  • كاري
  • ورق غار
  • حبهان
  • ملح
  • معلقه بقسماط مطحون
  1. في حله على النار نحط ماء ومعلقه صغيره ملح واول اما تغلى نحط المكرونه ونسيبها ونشيلها قبل ما تستوى بشويه ونشيلها نصفيها من الماء
  2. في حله تانيه نحط معلقه زيت او حسب رغبتك انا بحب اقلل الزيت في الاكل على أد ما بقدر ونحط الدقيق ونقلبه لحد اما يتحمص شويه ونزود اللبن مع التقليب لحد اما تبدا تتقل نضيف الكريمه وملح وفلفل اسود او ابيض ورشه جوزه الطيب لحد اما توصل لسمك البشاميل اللى احنا عايزينه ونشيلها من على النار
  3. نيجى للفراخ نقطعها شرايح طويله ونحطها على النار مع معلقه زيت لحد اما تبدا تبقى لونها ابيض بشيلها وانزل البصل والفلفل الاخضر لحد اما يدبلوا وارجع الفراخ تانى واحط توابل ملح فلفل شطه بابريكا ورقه غار و2فصوص حبهان واقلب والنار عاليه وبعدين اهدى النار لحد اما تستوى واول اما تستوى احط الزيتون المقطع واسيبه 5دقايق بالظبط واطفى النار
  4. كدا كل حاجه جاهزه نجيب البايركس ونحط شويه بشاميل تحت ونحط شويه على المكرونه وبعدين ننزل نصها في البايركس وبعدين الفراخ وشويه من ميكس الجبن
  5. ونحط الباقى المكرونه ونحط الجبنه الشيدر والموتزاريلا قبل البشاميل اللى على الوش
  6. واحط البشاميل وابشر جبنه رومى على الوش بتديها لون حلو وانا بحط رشه بقسماط مطحون بتديها لون جميل من على الوش
  7. ممكن تحطى بيضه مع البشاميل اللى على الوش
  8. واحطها في الفرن على درجه حراره 200 بشغله من تحت الأول واول اما احسه الشاميل اللى فوق مسك نفسه كدا بشغل الشوايه لحد اما تاخد لون
عجبتك الوصفة؟
شوف كل وصفاتنا في مكان واحد
كل الوصفات →