→ كل الوصفات

الهريسة اليمنية الاصلية 🥜

وصفة من اكتر الوصفات اللي فرحت اني عملتها مش لصعوبتها بالعكس هي سهلة خالص 😍 ، بس عشان جوزي اكلها وهو في سوريا وكانت عجباه جدددا ومش عارف اسمها وعبال ما اقدر يوصلي طعمها وانا عملت سيرش عن طعمها بس 😃 فكانت صعبة بالنسبالي 🙈 المهم انها طلعت الهريسة اليمنية او الهريسة الحمرة او هريسة الفول السوداني وهي طريقتها ومكوناتها واحدة بس بتزيد مكون او بتنقص مكون حسب الرغبة وهشرحلك كل الافكار بتاعتها #حاجة_حلوة

  • 3 كوب فول سوداني من غير ملح ولا قشر مطحون او لوز
  • 2 كوب سكر
  • 2 كوب ماء
  • 1/2 كوب زيت
  • 1/2 م ص لون احمر بودرة او برتقالي
  • 1/2 م ص من (حبهان بودر، قرنفل بودر)
  • م ص جوزة الطيب
  • كيس فانيليا
  • سوداني مجروش
  • سمسم
  1. في حلة اضع (الماء والسكر) واسيبها لحد لما تغلي والسكر يذوب ، بعدين اضيف ربع كوب زيت ولون الطعام (انا هنا كان متوفر عندي الاحمر) واقلبهم مع بعض ،
  2. بعدين انزل بالسوداني واقلبهم مع بعض واسيبهم علي نار متوسطة مع التقليب كل شوية لحد لما الماية تتكثف والخليط يمسك في بعضه كدة وهي بتاخد وقت متقلقيش ،
  3. بعدين اضيف (باقي الزيت ، التوابل ، الفانيليا) واقلبهم مع بعض كويس ،
  4. في صينية مدهونة زيت انزل بخليط الهريسة وازينها بالسوداني المجروش والسمسم ويا اما تكليها كدة وهي سخنة او تسبيها تبرد خالص في الثلاجة وهتكون اتماسكت اكتر واستمتعي بالطعم بتاعها لان بجد هي حلوة جددا وبالف هنا 🙂
  5. ملحوظة : يا اما تستخدمي فول سوداني او تستخدمي لوز او خليط من الاتنين بمقدار مثلا (٢ كوب سوداني مطحون + كوب لوز مطحون). في طرق بيضيفوا علي المقدار دة مثلا (م ك او ٢ نشا) بس هنا انا مضفتش نشا خالص ومسكت معايا تمام. في طرق بيضيفوا فيها (م ك ماء ورد) مع التوابل السابقة ، بس برده انا هنا مضفتش. فيه بيضيفوا لون احمر مع برتقالي او بيستخدموا (الزعفران) عشان يدي نفس اللون. فيه طرق بيضيفوا فيها لبن بودرة ، يعني مقدار مثلا (٣ م ك بودرة) بس هنا انا مضفتش ،،
  6. يارب اكون عرفت اجمعلكم كل المعلومات عنها وهي زي ما انتو شفتوا سهلة جددددا وطعمها جديد بالنسبالنا اوي وتحفة بجد 😋😋
عجبتك الوصفة؟
شوف كل وصفاتنا في مكان واحد
كل الوصفات →