→ كل الوصفات

الهمبرغر محبوب الأطفال

#زينة_الحياة 👦👧 👧 الهمبورغر من الوصفات المحببة للأطفال، مرة على مرة نخلعوهم بها في الدار خدمة نقية وتجي فيها البركة استعملت في هاذ الوصفة خبز كنت حطيتو من قبل إقتصادي ويجي هشيش وبنين

  • خبز البرغر (كنت حطيت الوصفة بالتفصيل من قبل)
  • حبة بصل مقطعة دوائر
  • 4 حبات بيض
  • جبن الساندويتش
  • طماطم مقطعة دوائر
  • السلاطة الورقية (الخص)
  • صلصة الباربيكيو
  • كمية من الجبن المبشور
  • للكفتة نحتاج
  • كمية من اللحم المفروم
  • التوابل (الملح، الفلفل الأسود، ثوم غبرة، راس الحانوت)
  • 2 ملاعق كبار سميد متوسط
  • 1 ملعقة كبيرة موطارد
  • 02 ملاعق كبار زيت
  • 1 بصلة مرابية مصفية من الماء
  • المعدنوس مقطع رقيق
  • عند التقديم نحتاج
  • كمية من البطاطا المقلية
  • كمية من المخللات
  1. في إناء نحط الكفتة وكل التوابل (الملح، الفلفل الأسود، ثوم غبرة، راس الحانوت) المعدنوس والبصلة (مرابية ومصفة من الماء) الموطارد والسميد والزيت نخلط كلش مليح حتى تنساجم المكونات ، ندي كمية من هاد الخليط نفتحها في يدي ونحط في الوسط كمية من الجبن المبشور ونغلق عليها مليح ونحطهم في الثلاجة ملاحظة: إضافة السميد لخليط اللحم المرحي يساعد باش الحبة تحافظ على الشكل أثناء الطهي
  2. في مقلاة فيها شوية زيت كرملت البصلة حتى دات معايا لون شباب ملاحظة: كانت عندي البصل الأحمر مين طاب وتكاراميليزا أصبح لونه أسود بصح في البنة جاء بنين
  3. ديت الخبز قطعتو على إثنين وحطيتو فوق المقلاة الثقيلة باش نحمصو شوية يزيد في البنة واللي تبغي تتجاوز هاد المرحلة لها الإختيار، من جهة أخرى ضربت البيض وقليتو خبزة وحدة وحطيتو. كذلك قطعت الطماطم إلى دوائر، غسلت الخص وخليتو يستقطر، المهم وجدت كل المكونات
  4. نروحو للكفتة جبتها من الثلاجة ودرتها في السارسو باش تدي حجم القالق اللي هو نفس قياس الخبز (درت زوج أشكال دائري وقلب) حطيت حبات الكفتة يطيبو من الأحسن يطيبو في مقلاة ثقيلة (استعملت طاجين الحديد اللي نطيبو فيه المطلوع) كي طابت من جهة قلبتها وفي هاذ الوقت حطيت عليها جبن الساندويتش
  5. أما الخبز كي حمصتو دهنتو دهنة خفيفة بصوص الباربيكيو حطيت الخص والطماطم ثم الخص عاد حطيت الكفتة
  6. وفوق الكفتة حطيت البيض المقلي حتى هو قطعتو بنفس القطاعة اللي استعملت في الكفتة (الدائري والقلب) من فوق ضفت البصل المكرمل
  7. وبلعت بالقطعة الثانية للخبز، حكمتو بالأعواد دخلت فيهم البصل الصغير وكاين اللي درت فيهم الزيتون
  8. رافقتو مع البطاطا المقلية وتشكيلة من المخللات (الزيتون بنوعيه والخيار الصغير المخلل والقلياطة) يجي بنين روعة
  9. وقدمتو بألف صحة وهنا
عجبتك الوصفة؟
شوف كل وصفاتنا في مكان واحد
كل الوصفات →