→ كل الوصفات

الويكا بكل تفاصيلها

#المريول_العالمي الكزبره دي باميه بس متقطعه شرائح بتتعمل في الصعيد أصلها وباقى محافظات مصر اخدوها وحطوه تكاتهم

  • 2 كوب شوربه الدجاج او لحم
  • 1/2 كيلو باميه مغسول ومتنشف ومتقطع شرائح رفيعه ومتشال القمع والحته اللي تحت
  • 1/2 معلقه صغيره كوزبره نشفه
  • 8 فصوص توم مفروم ناعم
  • معلقه صغيره ملح وفلفل اسمر
  1. بعد ماغسلنا الباميه ونشفناها وقطعناها شرائح بنجيب ٢كوب ماء في حله ونتركها الماء تغلي ثم نضع الباميه ونتركها لحد ماتستوا تلاته تربع سوها
  2. وبعدين نجيب مصفه ونفتح الحنفيه عليها لحد ما تنزل المخاط بتاعها لازم نسيبها فتره تحت الحنفيه عشان المخاط كله ينزل وهي تحت الحنفيه والميه مفتوحه نفضل ندعك فيها كاننا بنصفي طماطم او بالمعلقه او اي حاجه المهم نهرسها
  3. لازم الخطوه السابقه علشان خاطر لما نعملها ونغرفها في الطبق ونيجي نغمس منها بالعيش ما تبقاش فيها مخاط كده والاطفال بيتضايقوا منها ما بيحبوهاش
  4. نحضر حله فيها كوبايتين شوربه مع حته بصلايه مع شويه توابل بس نخلي بالنا ان الشوربه فيها توابل اول ما تغلي هنزل عليها بالباميه بعد ما صفت خالص من الميه ونتركها تغلي تاخد ربع السوا اللي فاضل بس اللي فاضل لها من السوا كده كده الباميه اصلا مستويه في السلق
  5. اول ما تستوي هنطفي عليها ونحضر حته دهنه او حته ليا خروف بتخليها تحفه أو سمنه زي ما تحبي مع الثوم المفروم والفلفل والكزبره الناشفه طبعا هنحطهم في قلايه ونشوحهم على النار لحد ما لونهم يغمق شويه يبقى دهبي غامق وبعدين تضعيها على الحله ونقلب تقليبه صغيره ونطفي على طول النار وبالهنا
  6. 1 نصيحه لازم تسلقيها في الميه الاول لو حطيتيها في الشوربه على طول هتنزل المخاط بتاعها وانت بتاكليها هتلاقي المخاط بيضيق لكن لما انتي بتسلقيها الاول في الميه بتنزل المخاط بتاعها في الميه 2نصيحه لازم وهي تحت الحنفيه ندعكها بامعلقه أو باليد كانك بتصفي طماطم في المصفي بيدك علشان تديكي شكل المفروم في الصعيد بيعملوها بالمفراك المهم وتحطيها في الشوربه بعد ماتتصفي من المياه جربي قوليلي
عجبتك الوصفة؟
شوف كل وصفاتنا في مكان واحد
كل الوصفات →