→ كل الوصفات

انزل بالتقيل كنافه بالمانجا 👌😋😋

طريقة عمل انزل بالتقيل كنافه بالمانجا 👌😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ ك كنافه مفتته
  • كوب ص عصير مانجو
  • كيس جيلي بالمانجا
  • كوب صغير سمنه سايحه
  • كوب ص سكر بودرة
  • كوب ص لبن بودرة
  • كوب كريم شانتيه بودرة
  • 3 حبة مانجا قطع, للتزيين
  1. هنحط الكنافه في حاجه على النار مع السمنه ونقلبها باستمرار عشان متتحرقش لحد ما تأخذ اللون الذهبي وننزلها 👌
  2. واحنا بنقلب الكنافه نعمل الكريمه في بوله نفضى البودرة مع كوب ماء او لبن او عصير مانجا ساقع حسب رغبتك انا عملته بماء وبمضرب لحد ما يبقى فل 😁 ونركنه في الثلاجه
  3. واحنا بنقلب الكنافه برده هنقطع المانجا الافضل تتقطع وهى متلجه
  4. الكنافه خلصت خلاص هنجيب بوله ونحط كوب المانجا مع كوب السكر مع كوب لبن البودرة ونقلبهم جامد بعد كده نحطهم على الكنافه ونقلب كويس
  5. نعمل الجيلي كوب ماء ونسيبه يغلى ونفضى الكيس ونقلب لحد ما يذوب بعد كده نحطه على المانجا القطع ونسيبه يبرد حاجه بسيطه
  6. هنقدم بقي 😍 في كوب نحط معلقتين كنافه وطبقه كريم وطبقه مانجا في النص وبعد كده كنافه وكريم ومانجا على الوجه 😋😋😋 انا جوعت 😂😂😂 وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →