→ كل الوصفات
Oreo pancakes
المقادير
- لعمل الـ pancakes 🥞
- كوباية ونص دقيق
- كوباية ونص لبن
- 3 معالق كبار نشا
- بيضة
- معلقة كبيرة زبدة سايحة او زيت
- معلقة صغيرة ڤانيليا
- معلقتين صغيرين ممسوحين بيكنج باودر
- رشة ملح
- لعمل المهلبية الكريمي 🥛
- لتر لبن
- 4 معالق كبيرة ممسوحة دقيق
- 2 معلقة كبيرة ممسوحة نشا
- 5 معالق سكر او حسب اللي تحبوه
- 2 معلقة كبيرة زبدة
- 40 جرام (1/2 ظرف) كريم شانتيه (كريمة خفق بودرة)
- وفي الاخر زودت ڤانيليا
طريقة التحضير
- نحط الدقيق والنشا ورشة الملح ونقلبهم سوا ونزود اللبن ونضربهم بمضرب الكهربا بعدين نضيف البيضة والڤانيليا ومعلقة الزبدة او الزيت ونضربهم كلهم تاني كويس ونسيب العجينة ترتاح على ما نعمل المهلبية
- بعد ما ارتاحت العجينة نجيب طاسة تيفال ونمسحها بزيت وعلى نار متوسطة ونصب العجينة بمقدار محدد كل مرة عشان تبقى مدورة وشبه بعض ونفس الحجم كل مرة المقدار دا عملي ١٣ واحدة قد بعض
- هنحط كل المكونات على بعض معادا الزبدة والڤانيليا والكريم شانتيه ونقلبهم كويس على البارد عشان نتأكد إن كلهم دابوا وبعدين نرفعهم على النار وتقليب مستمر هتتقل وهتبقى جميلة نزود الزبدة بدرجة حرارة عادية من التلاجة كدا كدا هتسيح من السخونية والكريم شانتيه ونرفعهم من على النار ونقلب لغاية ما يتجانسوا سوا وفي الآخر بنزود الڤانيليا
- وبنصفيها بالمصفاة عشان لو فيها اي تكتلات او حاجة مكلكعة هيا طلعت معايا ناعمة ومحتاجتش الخطوة دي
- وبعدين نشوف هنقدمها في إيه طبق ولا كوباية بنرص اول طبقة pancakes 🥞 وبعدها المهلبية 🥛 واي نوع شوكولاتة 🍫 تحبوه كان عندي اوريو كسرتهم ع الوش ورصيت تاني طبقة بنفس الترتيب وهكذا لغاية ما تبقى على اخرها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد