→ كل الوصفات
#التحدي_الفضي
المقادير
- دجاجة او اكثر حسب اعداد الاسرة
- رز مصطفى او اي رز بسمتي
- باكيت جزر وبازيلا
- ½ كيلو لحمة مفرومة خشنة
- بصلتين كبار
- هيل
- ملعقة صغيرة بهارات اوزي
- ملعقة صغيرة قرفة مطحونة
- ملح وفلفل أسود حسب الرغبة
- ملعقه صغيره كركم
- ماجي باودر
طريقة التحضير
- اول شي بسلق الدجاج وبحطلو بصلة صغيرة مفروكة بملح وفلفل وهيك وشوية كركم وبس يستوي بطلعو وبعدين يا بشوي او بقلي
- بعدين بفرم بصلة كبيرة وبقلبها بس تذبل بضيف عليها الجزر والبازيلا وبقلبهم وبغطيهم لحتى يستوي وبعدين بضيفلهم البهارات الى ذكرناها
- هسة بفرم بصلة وبذبلها وبعدين بضيف اللحمة وبقلبها وبس تتنشف وتستوي بحطلها ملح وفلفل بعدين بس اطفي على باخذ نص البازيلا والجزر وبضيفهم على اللحمة وبتركهم على جنب
- هسة بصفي الرز وبضيفلو الجزر والبازيلا وبضيفلها من البهارات الى ذكرتها وباكيت الماجي وبحطهم بالطنجرة وبنزل عليهم المرقة تبعت الدجاج وبفلفلها وبس تستوي بفردها بالسدر وبحط على وجها اللحمة والجزر والبازيلا وبحط فوقهم الدجاج وبعدين بزينها بلوز وزبيب او متل ما بتحبو وبقدم جنبها سلطة ولبن وصحتين وهنا يا رب😉😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد