→ كل الوصفات
#اطباق_رمضان
المقادير
- دجاجة مقطعة ومنظفة
- 3 كاسات رز بسمتي
- بصلة صغيرة مقطعة
- ملعقة كبيرة ثوم مهروس
- كاستين بازيلا خضرة
- 3 حبات جزر مقطعة
- ملعقة صغيرة كركم
- 1/2 ملعقة صغيرة هيل وفلفل اسود
- باكيت مرق الدجاج الفوري
- ملح حسب الذوق
- لتتبيل الدجاج 👇🏻
- 1/2 كاسة زيت
- ملعقة صغيرة ملح
- رشة هيل مطحون
- رشة فلفل اسود
- رشة بودرة الثوم وبودرة البصل
- رشة كركم
طريقة التحضير
- اول شي بنخلط مكونات تتبيلة الدجاج وبنمسح فيهم قطع الدجاج عالوجهين وبنحطهم بصينية وبنغلفها بالقصدير وبالفرن لمدة ساعة ونص وبعدين بنحمرهم وبنرجع ندهن وجه قطع الدجاج من السوائل اللي نزلت من الدجاج اللي بالصينية علشان تكون القطع طرية
- بنسلق الجزر والبازيلا لمدة نص ساعة ا لحتى يستوي
- بنحط بالطنجرة زيت وبنشوح البصل وبعدين الثوم وبنضيف الرز المنقوع والبازيلا والجزر والهيل والكركم ومرق الدجاج والفلفل والبهارات اللي بتحبوها وبنقلب خمس دقايق
- بعدين بنضيف ماء ساخنة لفوق الرز بشوي وبنتركه على نار عالية اول خمس دقايق وبعدين على نار هادية لحتى تنشف عنه المي ويستوي
- بنسكب الرز بطبق التقديم وبنرتب عالوجه الدجاج وبنكون قلينا لحمة مفرومة مع ملح وفلفل للزينة وتركنا بازيلا وجزر للزينة وبنرش لوز مقلي ويقدم مع السلطة واللبن وريته صحة وهنا... انا كنت عازمة وهاد الاوزي مع الدوالي والكوسا والفتوش
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد