→ كل الوصفات
طريقة عمل اوزي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- رز حبه طويله
- دجاجه
- بازيلا
- جزر
- مكسرات (لوز)
- هيل
- فلفل اسود
- كاري
- ماجي
- ملح
- زيت ذره
- لخلطة الدجاج
- ملعقه لبن
- ملعقه صلصة بندوره
- القليل من زيت الذره
- ملح
- بهارات (كاري ، فلفل اسود ، ماجي ، كركم ، مشكل)
- كيس شوي الدجاج
طريقة التحضير
- اول شي بنظف الدجاج وبحضر التتبيله (بخلط الصلصة واللبن والبهارات المذكوره) وبدهن الدجاجه وبحطها داخل كيس الشوي وعلى الفرن سااعتين
- تاني شي بجيب مقلا وبحط البازيلا والجزر وبحط عليهم شوية ماء وعالنار ، بس تنشف الماء بحط البهارات
- لتحضير الرز (انا م بنقعه بكتفي بغسله) ، بحط لكل كاسة رز كاستين ماء. بجيب الطنجره بحط ملعقه سمن او زيت وبنزل الرز وببهره في البهارات المذكوره. وبحوسهم على النار بدون ماء شغلة 2 دقيقتين ثلاث ، وبعدين بضيف الماء وتكون مغليه.. اتفقنا لكل كاسة رز كاستين ماء.. وبخفف النار عليهم لحتى يستوي الرز
- بيضل عنا اللوز او الفستق او شو ما بدك من المكسرات.. شوية زيت او سمن حسب م بتحبي وبتقلبيهم على النار وبحطهم فوق البازيلا والجزر
- انا بحب احط رشة لحم مفروم.. بتحضريه بالطريقه اللي بدك اياها.. شوية زيت وملح وبهارات وبعدين بحطهم فوق البازيلا والجزر
- وقت التقديم : بجيب صينية الاكل بحط الرز وبرش فوقها البازيلا والجزر والمكسرات واللحم المفروم وبصفط الدجاج فوقها وبالهنا
- بتقدم مع السلطه وممكن سلطه خيار ولبن وكمان فيكي تقدمية مع الصوص
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد