→ كل الوصفات

باتية بحشوة ميكس الجبن بسيط ولذيذ 😋♥️

الباتية من المعجنات اللذيذة😋 والسهلة في التحضير مكوناته بسيطة وممكن تحشيه حشوات مختلفة زي ما تحبي أنا حشيته ميكس جبن وبسطرمة بس بجد جميل والعجينة هشة وقطنية 👌🏻 لو لسه مجربتيش الباتية جربيه بطريقتي هيعجبك جداً♥️😍🌷

  • 3 كوب دقيق
  • 1 ملعقة كبيرة سكر
  • 1 ملعقة كبيرة خميرة فورية
  • رشة صغيرة من الملح
  • 1 ملعقة صغيرة بيكنج بودر
  • 2 ملعقة كبيرة زبادي
  • 1/2 كوب حليب دافئ
  • 1/4 كوب ماء
  • 1 بيضة
  • كمية من ميكس الجبن مع بسطرمة
  • كمية من حبة البركة والسمسم
  • كمية من الزعتر
  1. أولاً جيبي طبق عميق وحطي فية الدقيق والبيكنج بودر والخميرة والسكر ورشة الملح وقلبي كل المكونات مع بعض كويس 😍
  2. ضيفي بعد كدة بياض البيضة وسيبي الصفار عشان هندهن بيه وجه الباتية وبعد كدة ضيفي الزبادي والحليب وضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالى 7 دقائق متبخليش على العجينة في العجن عشان تكون حلوة معاكي 😍
  3. غطي العجينة بعد كدة وسيبيها تختمر لمدة ساعة وبعد كدة قسمي العجينة نصفين وخودي النصف الأول وأفرديه بالنشابة على شكل مستطيل وبعد كدة ضيفي الحشوة ميكس الجبن مع بسطرمة وممكن فلفل رومي مقطع ولفي بعد كدة العجينة على شكل رول زي السينابون وقطعيها بعد كدة بسُمك مناسب واعملي الجزء التاني من العجينة بنفس الشكل 😍
  4. جيبى صينية مناسبة وإدهني الصينية بالزيت وحطي فيها قطع الباتية وغطيها وسيبيها تختمر لمدة 10 دقائق وبعد كدة ادهني وجة الباتية بصفار البيضة وعليه ملعقة صغيرة خل وملعتين حليب وأخلطيهم مع بعض كويس وادهني بيه الباتية وزينية بالزعتر وحبة البركة والسمسم 😍
  5. دخلي الصينية الفرن على درجة حرارة 200 لمدة 15 دقيقة تقريباً ولما يستوي خرجيه من الفرن وغطية وسيبية 10 دقائق عشان يكون طري وهش معاكي وقدمية بعد كدة لكل عيلتك هيعجبوا بيه جداً جربيه أكيد هيعجبك 😍♥️🌷
  6. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →