→ كل الوصفات
طريقة عمل باتيه بالجبنه بمقادير العجينه القطنيه👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو دقيق
- كوب لبن
- بيضه
- معلقه كبيره خميره
- معلقتين سكر
- كيس فايليا
- 1/4 كوب زبده
- رشه ملح
طريقة التحضير
- نبدا بسم الله..هى دى المكونات بتاعتنا
- اولا هناخد كوب اللبن الدافى واضيف عليه الخميره والسكر وافصل البياض عن الصفار اخد البياض مع اللبن والخميره واسيب الصفار للتلميع ومننساش الفانيليا اخد رشه مع اللبن والباقى مع صفار البيض واقلب كويس واضيفهم ع الدقيق
- وابتدى اعجن ولما تتلم معايا اخد الزبده واقطعها قطع صغيره وبعدين ارجع اعجن تانى ف الخطوه دى هلاقى العجينه فرطت منى خالص ولزقت جامد ف ايدى متخافيش اعجنى فيها بس شويه واوعى تحطى دقيق هى هتلم تانى ومتلزقش ف ايدك وهتبقى ناعمه وجميله
- وبعد كده اقسمها واعملها كور صغيره وافرد العجينه سمك رفيع خالص
- وبعدين اضيف الجبنه ومفردهاش اقفل عليها جزء من العجينه وبعدين اضغط عليها هتتفرد واطوى الجنبين زى ال ف الصوره كده واقفل عليها كويس عشان متفتحش ف الفرن وارصها ف صينيه مدهونه زيت واسبها تخمر تانى وادهن وشها بصفار البيضه ورشه الفانيليا وشويه لبن
- وادخله الفرن ع درجه حراره عاليه مش اكتر من عشر دقايق ولما يخرج اغطى بفوطه عشان يفضل طرى وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد