→ كل الوصفات

باتيه بالجبنه رووعه 😍

طريقة عمل باتيه بالجبنه رووعه 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو دقيق
  • كيس خميره فوريه دريم او حلو الشام
  • معلقه كبيره سكر
  • 1/2 معلقه ص ملح
  • 1/4 كوب زيت
  • علبه جبنة نص كيلو اسطنبولي المهم يكون نوع حادق
  • كوب لبن دافئ
  • ماء دافئ حسب الحاجه
  1. نخلط المكونات الجافه مع بعضها كويس الدقيق والخميره والسكر والملح
  2. نضيف الزيت
  3. نحط الجبنة وكوبايه اللبن في الخلاط ونضربهم كويس
  4. نبتدي نزود الدقيق تدريجيا ونعجن كويس
  5. بعد مانخلص كميه اللبن والجبنه غالبا هتحتاج نكمل بمياه
  6. نزود مياه دافيه تدريجي ونعجن كويس لحد مانوصل لعجينه طريه ونعجن كويس جداً لحد مانلاقي العجينه خلعت من الطبق ومن ايدينا
  7. نغطيها ونسيبها تختمر تبقي الضعف
  8. ندهن رخامه زيت وايدينا وناخد حتى كبيره ونشكلها بالطول ونبتدي نقطع بالسكينه عشان يبقى عندنا قطع متساويه
  9. نأخذ قطعه قطعه ونعجنها ونكورها ونحط في صينيه مدهونه زيت
  10. اول مانبتدي نشتغل في التقطيع نشغل الفرن ونحط الصواني من فوق البوتجاز غشان تختمر تاني بشكل اسرع ونخلص الكميه كلها
  11. هنلاقي اول صينيه اختمرت من دفا الفرن
  12. هنجيب طبق نحط فيه بيضه ومعلقه صغيرة زبادي او حبه لبن ومعلقه زيت ونربهم كويس وندهن الوجه وبعدين نرش سمسم او حبه البركه
  13. الفرن طبعاً هتكون ساخنه هندخل الباتيه على نار عاليه شويه لحد مايحمر وشه ونطلعه
  14. اخر شويه قربت المسافات بينهم وحطيتهم في صينيه مدوره وعملت خليه نحل
  15. نسيبه يتهوي وبعدين يتحط في اكياس مقفوله وممكن تشيلي منه عالفريزر وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →