→ كل الوصفات

باتيه بالجبنه 😋💓

الباتيه من المعجنات اللذيذة😋 بتقدمية كوجبه على الفطار أو العشاء بيكون حلو أوي طريقته سهلة وبسيطة جربيه هيعجبك جداً، وممكن تعملي كميةوتفرزيها لشهر رمضان الكريم 🌙 وكل عام وانتم بخير 😍

  • 3 كوب دقيق
  • 3 ملاعق كبيرة لبن بودرة
  • 1 بيضة
  • 1 ملعقة كبيرة خميرة
  • 1 ملعقة كبيرة سكر
  • رشة صغيره من الملح
  • 1/4 كوب زيت
  • 1 كوب ماء دافئ
  • 1 ملعقة كبيرة خل
  • 3 ملاعق كبيرة زبدة
  • كمية من الجبنة الرومي
  • كمية من الجبنة الفيتا
  • صفار بيضة
  • 1 ملعقة صغيرة خل
  • 1 ملعقة صغيرة سكر
  • 2 ملعقة كبيرة لبن
  • كمية من السمسم وحبة البركة
  1. أولا جيبي طبق غويط وحوطي فيه الدقيق والخميرة والسكر ورشة الملح واللبن البودرة وقلبيهم مع بعض كويس وبعد كدة حوطي الزيت وبياض البيضة والخل وخودي الصفار عشان تدهني بيه وجه الباتيه وبعد كدة حوطي الماء وأعجني العجينة كويس جداً متبخليش على العجينة في العجن عشان تكون حلوة معاكي وتتكون معاكى عجينه ملساء وبتلزق شوية 😍
  2. غطي العجينة بعد العجن وسيبيها تختمر لمدة ساعة وبعد لما تختمر كوري العجينة 5كور كبيرة وبعد كدة إفردي أول كورة وحوطي عليها زبدة وزعي الزبدة على العجينة كلها وبعد كدة إفردي كوره تانيه وحوطيها فوق العجينة اللي أنتي دهنتيها زبدة وبعد كدة حوطي عليها زبدة هي كمان وافردي كوره تانيه وحوطيها فوقيهم وأدهنيها بالزبدة وإعملي كدة لحد لما تخلصي كل الخمس كور من العجين وسيبيهم يرتاحوا 10 دقائق وغطيهم عشان العجينة ماتنشفش😍
  3. إفردي العجينة بعد كدة بالنشابة لحد لما يكون شكلها مستطيل وبعد كدة قسمي المستطيل نصفين بالطول وبعد كدة قسميها مستطيلات صغيرة بمقاس 5سنتمتر أو المقاس اللي إنتي عاوزاه وبعد كدة حوطي حشوة الجبن في كل مستطيل وقفلي على الحشوة ولفي المستطيل رول وخلصي كل الكمية بالشكل ده ورصي الباتيه بعد كده في صينية مدهونة بالزيت وسيبي الباتيه يرتاح لمدة 10 دقائق وغطى الباتيه بفوطة مطبخ نظيفة 😍
  4. إدهني الباتيه بعد كدة بخليط الدهن وهو صفار البيضة على اللبن والخل والسكر وقلبيهم مع بعض وإدهني كل الباتيه من فوق ورشي عليه سمسم وحبة البركة ودخلي الصينية الفرن على درجة حرارة 200 لمدة 20 دقيقة تقريباً ولما يستوي الباتيه ووشه يتحمر خرجية من الفرن وغطيه لمدة 10 دقائق عشان يكون طري معاكي😍
  5. قدمي الباتيه بعد كدة مع كباية شاي حلوة أو شاي باللبن أو لبن بجد رووووعه ومورق وسهل في التحضير جربيه هيعجبك جداً وبالعافية عليكي حبيبتي 😘😍🌹💖
  6. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →