→ كل الوصفات
(باتيه سن) #تحدى_الحروف (حرف الباء) #مطبخ_بطوطة
المقادير
- كيلو دقيق قمح كامل
- 2 كوب شوفان مطحون
- 2 ملعقة كبيرة بيكنج بودر
- ملعقة صغيرة ملح
- خميره بيره فى حجم ليمونة كبيرة او 3 ملاعق كبيره خميره جافه
- 2 ملعقة كبيرة سكر
- ¾ كوب زيت
- 2 كوب زبادى او رايب (نفس معيار كوب الدقيق 200 ملى)
- ملعقه كبيره خل
- ميه دافئه للعجن
- لدهان الوجه
- صفار بيضه
- رشة نسكافيه
- ملعقة كبيرة حليب
- جبنه بيضاء للحشو أو أى حشو تفضليه
- سمسم او حبه البركه
- العصيدة عبارة عن
- نص كوب دقيق أبيض عادى
- نص كوب ماء
طريقة التحضير
- ندعك الخميره مع السكر لحد ما تسيل ثم نضيف عليها ملعقه كبيره ميه دافيه ونقلب وبعدين نسيبها تخمر
- بعد كده نجهز العصيدة نخلط نص كوب الدقيق مع نص كوب الميه ونسويهم على النار هتلاقيها لمت وبقت عجينة
- ناخدها ونخلطها مع باقي المكونات مع بعض والخميره ونعجن كويس
- ونزود ميه دافيه حبه حبه لحد ما تلم العجينه معانا وبعدين نسيبها تخمر فى مكان دافئ
- الحشو حسب الرغبة هنا عملت حشوة جميلة جبنة ولنشون وزيتون وفلفل
- بعد ما تخمر ان شاء الله نفردها على سطح مدهون زيت
- ونقسمها شرائح طولية وبعد كده نفرد عليها الجبنه ونلفها زى السويسرول
- ونحطها فى صينيه مدهونه ونسيبها تخمر تانى حوالى نصف ساعه
- بعد ما يختمروا نجيب صفار البيضه ونضربها بالشوكه ومعاها ملعقه لبن وحبه نسكافيه وندهن وجه الباتيه
- ونرش سمسم او حبه البركه وندخلها فرن ساخن على أعلى درجة حرارة عندك
- بتاخد حوالى نصف ساعة حتى تخمر وتستوى
- أول ما يطلع من الفرن تغطيه كويس بورق وبعدين قماش حتى يبرد تماماً
- بعد ما يبرد تماما نقدمه بألف هنا. وممكن نضعه فى اكياس ونحتفظ به فى الفريزر وعند الإستخدام نطلعها قبلها بشوية ونضعه فى الفرن او الميكروويف ويرجع زى الاول
- يا سلام عليه فى الفطار أو العشاء خفيف جدا وحلو اوى فى الدايت
- يا رب يكون نال إعجابكم 😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد